YouTuber

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Logo YouTube ing taun 2017

YouTuber, uga dikenal minangka pangripta kontèn YouTube, yaiku sawijining jinis vidhéografer utawa panglipur kang nggawé vidhéo kanggo situs jaringan silih ijol vidhéo (video-sharing) YouTube, sok-sok didhukung déning jaringan. Sawenèh tokoh YouTube uga nduwéni sponsor perusahaan kang mbayar kanggo product placement jroning klip dhèwèké utawa vidhéo jroring (daring). Para pangripta kontèn iki asring diarani minangka para "influencer".

Étimologi[besut | besut sumber]

Jeneng "YouTuber" ngrujuk marang indhividhu kang platform utamané utawa siji-sijiné amung kanal YouTube, subkaca kang dipersonalisasi saka platform silih ijol vidhéo YouTube.[1]

Sajarah[besut | besut sumber]

Co-founder YouTube Jawed Karim nggawé kanal YouTube kang kapisan, "Jawed", ing tanggal 23 April 2005.

Jeneng domain internèt "www.youtube.com" diaktifaké ing tanggal 14 Fèbruari 2005 déning Chad Hurley, Steve Chen, lan Jawed Karim, nalika dhèwèké padha nyambut gawé ing PayPal.[2] Kanal YouTube kapisan yaiku "Jawed", digawé ing tanggal 23 April 2005 PST (24 April 2005 UTC) déning co-founder YouTube.[3][4] Dhèwèké yaiku wong kapisan kang ngunggah vidhéo ing YouTube, sawiji klip vlog cekak kang irah-irahané Me at the zoo, ing dina kang padha.[5]

Ing sasi Oktober 2005, YouTube ngenalaké fitur langganan marang kanal-kanal YouTube.[6] The New York Times ndhaku manawa akèh-akèh vidhéo YouTube nganti tekan taun 2006 kafokus ing sawatara wujud bakat, nyuplik aksi back-flip, sinkronisasi lambé, lan bakaté liyan kang diunggah liwat klip-klip kayata klip saka Saturday Night Live.[7] Ing sasi Juni 2006, perusahaan-perusahaan Hollywood lan industri kang diakoni padha miwiti nyusun hubungan bisnis formal karo bakat YouTube kang vidhéoné "gawéyan dhéwé (homegrown)"—wong kang kapisan diyakini minangka narablog (blogger) juru banyol Brooke "Brookers" Brodack (liwat Carson Daly),[8] banjur juru nyanyi Justin Bieber (liwat Usher),[9] lan dhokter kang saterusé dadi satiris pulitik Bassem Youssef (liwat sawiji jaringan télévisi Mesir).[10][11] Ing taun 2007, YouTube miwiti "Program Mitra (Partner Program)", sawiji pilalan pambagéyan bathi iklan kang ngolèhi para YouTuber ngasilaké dhuwit saka vidhéo-vidhéo kang dhèwèké padha ngunggah menyang YouTube.[12]

Ing sasi Oktober 2015, ana luwih saka 17.000 kanal YouTube kanthi luwih saka 100.000 pelanggan, lan mèh 1.500 kanal kanthi luwih saka sak yuta pelanggan.[13] Gunggung kasebut saya mundhak mèh nganti 44.000 kanal kanthi sak orané mèh ana 250.000 pelangggan ing sasi Januari 2019.[14]

Uga delengan[besut | besut sumber]

Rujukan[besut | besut sumber]

  1. Jerslev, Anne (2016-10-14). "In the Time of the Microcelebrity: Celebriyiiii7ification the YouTuber Zoella". International Journal of Communication (in Inggris). 10 (2016): 5233–5251. ISSN 1932-8036.
  2. Graham, Jefferson (November 21, 2005). "Video websites pop up, invite postings". USA Today. Retrieved May 2, 2018.
  3. "jawed". YouTube (in Inggris). Retrieved 2018-06-02.
  4. "Extract Meta Data". citizenevidence.amnestyusa.org. Retrieved 2018-06-02.
  5. "YouTube created a FOMO viewing culture over the past 13 years". Polygon. April 23, 2018.
  6. "Official YouTube Blog" (in Inggris). Retrieved 2018-06-10.
  7. Carney, John (2006-04-16). "People Who Watch People: Lost in an Online Hall of Mirrors". The New York Times (in Inggris). ISSN 0362-4331. Retrieved 2018-06-03.
  8. Collins, Scott (June 19, 2006). "Now she has their attention". Los Angeles Times. Archived from the original on January 16, 2014.
  9. Herrera, Monica (March 19, 2010). "Justin Bieber - The Billboard Cover Story". Billboard. Archived from the original on January 16, 2014. Retrieved June 6, 2018.
  10. Simon, Bob (March 16, 2014). "Meet the "Jon Stewart of Egypt": Bassem Youssef (60 Minutes transcript)". CBS News. Archived from the original on March 17, 2014. Retrieved June 7, 2018.
  11. "Youssef: 'Important to have other opinions'". Deutsche Welle. February 7, 2014. Archived from the original on March 17, 2014. Retrieved June 7, 2018.
  12. John Seabrook (January 16, 2012). "Streaming Dreams". www.newyorker.com (in Inggris). Archived from the original on 9 January 2014. Retrieved 2018-06-06.
  13. Dredge, Stuart (2016-02-03). "Why are YouTube stars so popular?". The Guardian (in Inggris). Retrieved 2018-05-03.
  14. Patrick van Kessel (December 4, 2019). "10 facts about Americans and YouTube". Pew Research Center. Retrieved December 17, 2019.