ꦏ꧀ꦊꦤ꧀ꦛꦶꦁ
꧋ꦏ꧀ꦭꦺꦤ꧀ꦛꦶꦁꦲꦸꦠꦮꦱꦺꦴꦏ꧀ꦢꦶꦲꦫꦤꦶꦗꦸꦤ꧀ꦪꦲꦶꦏꦸꦥꦶꦫꦤ꧀ꦠꦶꦲꦸꦠꦮꦮꦢꦃꦧꦚꦸꦏꦁꦢꦶꦒꦮꦺꦱꦏꦊꦩꦃꦊꦩ꧀ꦥꦸꦁ꧉ꦩꦸꦥꦔꦠꦺꦏꦁꦒꦺꦴꦚ꧀ꦗꦸꦥꦸꦏ꧀ꦧꦚꦸꦲꦸꦠꦮꦲꦶꦁꦠ꧀ꦭꦠꦃꦗꦮꦱꦶꦤꦼꦧꦸꦠ꧀ꦔꦁꦱꦸ꧈ꦲꦤꦲꦶꦁꦱꦸꦩꦸꦂ꧈ꦱꦼꦤ꧀ꦝꦁꦲꦸꦠꦮꦧꦼꦭꦶꦏ꧀ꦭꦤ꧀ꦢꦶꦒꦮꦩꦸꦭꦶꦃꦏꦁꦒꦺꦴꦲꦢꦸꦱ꧀꧈ꦲꦢꦁ(ꦧꦱꦆꦤ꧀ꦝꦺꦴꦤꦺꦱꦶꦪ:ꦩꦼꦤꦤꦏ꧀)꧈ꦔꦺꦴꦩ꧀ꦧꦺ꧈ꦭꦤ꧀ꦱꦥꦤꦸꦁꦒꦭꦤꦺ꧉ꦏ꧀ꦭꦼꦤ꧀ꦛꦶꦁꦲꦸꦒꦥꦶꦫꦤ꧀ꦠꦶꦏꦁꦧꦶꦪꦱꦢꦶꦒꦮꦢꦺꦤꦶꦁꦮꦺꦴꦁꦮꦢꦺꦴꦤ꧀꧈ꦱꦼꦩꦤꦲꦸꦒꦏ꧀ꦭꦼꦤ꧀ꦛꦶꦁꦔ꧀ꦒꦮꦤꦺꦏꦸꦢꦸꦢꦶꦒꦺꦤ꧀ꦝꦺꦴꦁꦲꦶꦁꦧꦁꦏꦺꦏꦤ꧀ꦔꦁꦒꦺꦴꦱꦪꦸꦏ꧀ꦲꦸꦠꦮꦢꦶꦕꦼꦏꦼꦭꦶꦔꦁꦒꦺꦴꦠꦔꦤ꧀꧉ꦲꦤꦲꦶꦁꦤꦒꦫꦆꦤ꧀ꦝꦶꦪꦏ꧀ꦭꦼꦤ꧀ꦛꦶꦁꦕꦫꦔ꧀ꦒꦮꦤꦺꦢꦶꦱꦸꦁꦒꦶꦲꦶꦁꦱꦶꦫꦃ꧉ꦮꦸꦗꦸꦢꦺꦏ꧀ꦭꦼꦤ꧀ꦛꦶꦁꦲꦶꦏꦸꦧꦸꦤ꧀ꦝꦼꦂꦢꦸꦮꦺꦒꦸꦭꦸꦭꦤ꧀ꦭꦩ꧀ꦧꦺꦏ꧀ꦭꦼꦤ꧀ꦛꦶꦁ꧉ꦩꦸꦩ꧀ꦥꦔꦠꦺꦏ꧀ꦭꦼꦤ꧀ꦛꦶꦁꦱꦭꦶꦪꦤꦺꦏꦁꦒꦺꦴꦔꦁꦱꦸꦢꦺꦤꦶꦁꦮꦺꦴꦁꦮꦢꦺꦴꦤ꧀꧈ꦲꦸꦒꦧꦶꦱꦢꦶꦲꦁꦒꦺꦴꦏꦺꦴꦠꦺꦏꦤ꧀/ꦛꦺꦛꦺꦏ꧀꧈ꦕꦫꦤꦺꦪꦲꦶꦏꦸꦢꦶꦛꦸꦛꦸꦏꦶꦔꦁꦒꦺꦴꦱꦤ꧀ꦝꦭ꧀ꦭꦤ꧀ꦧꦶꦱꦔꦱꦶꦭꦏꦺꦱ꧀ꦮꦫꦏꦁꦲꦥꦶꦏ꧀꧈ꦩꦤꦸꦠ꧀ꦏꦼꦩꦗꦸꦮꦤ꧀ꦗꦩꦤ꧀ꦏ꧀ꦭꦼꦤ꧀ꦛꦶꦁꦱꦲꦶꦏꦶꦮꦶꦱ꧀ꦭꦁꦏꦲꦩꦂꦒꦏꦭꦃꦏꦫꦺꦴꦲꦤꦤꦺꦲꦺꦩ꧀ꦧꦺꦂꦏꦁꦢꦶꦒꦮꦺꦱꦏꦧꦲꦤ꧀ꦥ꧀ꦭꦱ꧀ꦠꦶꦏ꧀꧈ꦲꦺꦩ꧀ꦧꦺꦂꦭꦸꦮꦶꦃꦥꦿꦏ꧀ꦠꦶꦱ꧀ꦠꦶꦤꦶꦩ꧀ꦧꦁꦏ꧀ꦭꦼꦛꦶꦁ꧈ꦄꦩꦂꦒꦭꦸꦮꦶꦃꦩꦸꦥꦔꦠꦶ꧉ꦲꦺꦩ꧀ꦧꦺꦂꦧꦶꦱꦏꦁꦒꦺꦴꦮꦢꦃꦧꦲꦤ꧀ꦱꦭꦶꦪꦤꦺꦧꦚꦸꦭꦤ꧀ꦲꦺꦩ꧀ꦧꦼꦂꦲꦸꦒꦲꦺꦴꦫꦒꦩ꧀ꦥꦁꦥꦼꦕꦃꦲꦸꦠꦮꦭꦸꦮꦶꦃꦌꦭꦱ꧀ꦠꦶꦱ꧀ꦠꦶꦤꦶꦩ꧀ꦧꦁꦏ꧀ꦭꦼꦤ꧀ꦛꦶꦁ꧉ꦏ꧀ꦭꦼꦤ꧀ꦛꦶꦁꦲꦸꦒꦢꦸꦮꦺꦲꦗꦶꦱꦗꦫꦃꦭꦤ꧀ꦏꦲꦺꦤ꧀ꦝꦃꦲꦤ꧀ꦏꦁꦭꦸꦮꦶꦃꦢꦸꦮꦸꦂꦠꦶꦤꦶꦩ꧀ꦧꦁꦲꦺꦩ꧀ꦧꦼꦂ꧉ꦲꦩꦂꦒꦱꦏꦲꦶꦏꦸꦱꦲꦶꦏꦶꦏ꧀ꦭꦼꦤ꧀ꦛꦶꦁꦏꦼꦉꦥ꧀ꦢꦶꦲꦁꦒꦺꦴꦩꦶꦤꦁꦏꦥꦺꦥꦲꦺꦱ꧀ꦲꦺꦠ꧀ꦤꦶꦏ꧀ꦲꦶꦁꦎꦩꦃꦲꦸꦠꦮꦥꦁꦒꦺꦴꦤꦤ꧀ꦭꦶꦪꦤꦺ꧉
Grabah | ||
|---|---|---|
 | ||
| Artikel iki minangka artikel rintisan. Kowé bisa ngéwangi Wikipédia ngembangaké. |