Yeongwol

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kabupatèn Yeongwol

Yeongwol (영월군) inggih menika satunggaling kabupatèn ingkang wonten ing propinsi Gangwon, Korea Kidul.[1] Kabupatèn menika dipunubengi déning larikan Pagunungan Taebaek lan dados papan patemon antawisipun kalih ilining Kali Donggang lan Seogang.[1]

Yeongwol menika dhaérah ingkang kawéntar minangka tujuan pariwisata amargi sesawangan pagunungan lan wananipun ingkang éndah.[1] Wewengkon Yeongwol menika dipunwatesi déning kabupatèn Jecheon lan Danyang ing propinsi [[Chungcheong Utara]|Chungcheong]] sarta kabupatèn Yeongju lan Bonghwa ing propinsi Gyeongsang Lor.[1] Wiyar saking wewengkon kasebut inggih menika 1.127 km² kanthi gunggung penduduk 45.000 jiwa (2004).[1]

Donggang lan Seogang[sunting | sunting sumber]

Kalih aliran kali ketemu wonten ing wewengkon, inggih menika Donggang (Kali Dong) lan Seogang (Kali Seo).[1] Donggang menika kalebet salah satunggal anak kali ingkang dados hulu Kali Han.[2] Tuk (mata air) Donggang (harfiah: "Kali Wetan") kawiwitan saking lembah pagunungan ing Jeongseon lan Pyeongchang ingkang mili sedawaning 51-60 km dhateng Yeongwol lan kepanggih kalihan ilining Seogang.[1][2] Seogang utawi "Kali Kulon" mili saking sisih kulon. Donggang ingkang gadhah aliran ingkang deres menika kalebet aréa dolanan arung jeram ingkang paling kondhang ing Korea Kidul.[1] Ananging ing patemon kalihan Seogang dados sansaya rindhik lan jero.[1] Amargi mili ing dhaérah pagunungan ingkang bebas saking polusi, Donggang menika kali ingkang paling resik wonten ing Korea lan tasih gadhah habitat fauna ingkang tasih alami.[3] Warga ing mriku mastani Donggang minangka lanang lan Seogang minangka wanita.[1] Dhaérah wisata ingkang kawéntar menika Eorayeon.[1] Eorayeon wonten ing sisih Donggang ingkang gadhah sesawangan wewatuan lan wana pinus.[1] Dhaérah menika kondhang menika papan pariwisatan pendakian sarta ilining toya ingkang bening.[1][4]

Seondol[sunting | sunting sumber]

Seondol (Watu Seon) menika formasi watu kanthi dhuwur 70 meter ingkang mapan ing sisih Seogang.[5] Seondol gadhah bentuk ingkang unik inggih menika kabelah dados kalih lan dipunsebat ugi Shinseon-am utawi Watu Pertapa.[1] Dhesa Seonam ingkang mapan wonten ing sisih Seogang gadhah dharatan unik kados Semenanjung Korea awujud alit.[6]

Cheongnyeongpo[sunting | sunting sumber]

Jangneung, komplek makam Raja Danjong

Awit dangu Yeongwol dipuntepangi minangka dhaérah ingkang sisah dipunaksès amargi terisolasi dening pagunungan lan kali.[1] Changnyeongpo menika satunggaling pulo ing Yeongwol ingkang mapan wonten ing tengah kali.[1] Pulo menika kalebet situs Jangneung, makam Raja Danjong (1441 – 1457) saking Dinasti Joseon.[1] Raja kaping 6 Dinasti Joseon, Danjong, minggah tahta nalika umur 12 taun.[1] Nalika taun 1456 kanthi umur 16 taun, pak-cilikipun mandhapaken saking tahta lan nyebat bilih piyambakipun minangka Raja Sejo.[7] Danjong mandhap saking pangkatipun dados Nosan-gun lan dipunpindhah dhateng Changnyeongpo ing Yeongwol ingkang terisolasi.[1] Dumugi samenika Changnyeongpo namung saged kerambah mawi kapal. Danjong gesangipun melas sanget amargi dipunracuni déning mata-mata astana saking taun 1457 lan dipunmakamaken ing komplèk Jangneung.[1] Saben taun ing wulan April, masarakat Yeongwol ngawontenaken ritual pakurmatan kanggé ngurmati arwahipun.[7]

Papan pariwisata sanèsipun[sunting | sunting sumber]

  • Observatori Astronomi Byeolmaro
  • Muséum Internasional Seni Kontemporer
  • Muséum Seni Rakyat Joseon
  • Muséum Buku Yeongwol
  • Insèktarium Yeongwol
  • Pasar tradisional Deokpo
  • Pasar tradisional Jucheon

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Yeongwol&oldid=876177"