Temu kunci

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Temu kunci
Klasifikasi èlmiah
krajan: Plantae
divisio: Magnoliophyta
kelas: Liliopsida
ordo: Zingiberales
kulawarga: Zingiberaceae
Genus: Boesenbergia
Species: B. rotunda
Jeneng binomial
Boesenbergia rotunda
(L.) Mansf.

Temu kunci (Boesenbergia rotunda (L.) Mansf. syn. Curcuma rotunda L., B. pandurata (Roxb.) Schlechter, Kaempferia pandurata Roxb.) iku sajinis rempah-rempah sing rimpangé dianggo bumbu jroning masakan Asia Kidul-wétan. Wangun temu kunci rada béda karo empon-epon liyané amarga tuwuhé sing vertikal mangisor.

Rimpang temu kunci duwé khasiat ngatasi gangguan pencernaan. Godhongé nduwèni èfèk antiracun.

Ing Thailand temu iki dikenal kanthi jeneng krachai, déné pustaka Inggris nyebut minangka fingerroot utawa chinese ginger. Jroning basa Mandarin dikenal minangka ao chun jiang.

Rimpang temu kunci.

Pratélan[sunting | sunting sumber]

Terna nganti 50 cm. Rimpang kuning padhang, lonjong dawa, mawa aroma; oyod kuwat. Godhong 3 utawa 4; glagahé awarna abang, ligula kanthi 2-lekukan, ca. 5 mm; gagang godhong 7–16 cm, awangun saluran; lembar godhong ijo ing kaloro lumahing godhong awujud elips lancip, 25–50 × 7–12 cm, rata kanthi godhong sethithik ing cedhak balungan utama godhong bagéan ngisor, dhasaré bunder. Kembang majemuk terminal ing wit semu, muncul saka bagéan jero glagah, rada lungguh, 3–7 cm; seludang kembang lancip, 4–5 cm. Kembangé wangi. Kelopak kembang 1,5-2cm, pucuké mbelah. Mahkota kembang kasusun mbentuk tabung 4,5–5,5 cm; mawa cuping dawa, 1,5–2 cm. Staminodia lateral jambon pucet, ca. 1,5 cm. Labellum putih utawa jambon kanthi setrip ungu, 2,5–3,5 cm, cekung. Tangkai sari cendhak; mawa cabang loro, 1–3 mm. Ngembang Jul–Aug. 2n = 36.

Tanduran iki bisa ditemokaké ing alas ketel nganti èlevasi 1000m. Panyebaran saka Yunnan mangidul nganti Indonesia lan mangulon nganti India lan Sri Lanka; dibudidaya ing Indocina.

Rujukan[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Temu_kunci&oldid=829454"