Suster Keramas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suster Keramas
Sutradara Helfi Kardit
Produser Ody Mulya Hidayat
Panulis Abbe Ac
Paraga Herfiza Novianti
Rin Sakuragi
Rizky Mocil
Zidni Adam
Shinta Bachir
Musik déning Joseph S. Djafar
Sinematografi Nofi SY Kardit
Panyunting Aziz Natandra
Distributor Maxima Pictures
Tanggal rilis 31 Desember 2009
Durasi 82 menit
Negara Indonesia
Basa Indonesia

Suster Keramas yaiku film horor komedi diwasa Indonesia kang diprodhuksi dening Maxima Pictures lan didhistribusikake deining Maleo Pictures. Film iki disutradarai dening Helfi Kardit lan dibintangi dening Herfiza Novianti minangka Kayla, Shinta Bachir minangka Jeng Dollie lan Rin Sakuragi minangka Mitchiko. Film iki digawe ing dhaerah Puncak, Bogor.

Film nyritakake wisatawan Jepang (Rin Sakuragi) kang goleki sedulure kang kerjane dadi suster ing Indonesia. Misakake, sedulure iku jebul wis seda. Liyane iku, ana telung kekancan yaiku Kayla, Barry lan Ariel kang diganggu setane saka sedulure wisatawan iku.[1]

Suster Keramas dirilis ing Indonesia tanggal 31 Desember 2009. Tiket film Suster Keramas wis kadol luwih saka 800.000 tiket,[2] Padhahal wektu iku film-fil liyane angel banget ngadol tiket nganti tekan 300.000 tiket. [3] Nanging film iki ngundang kontroversi amarga dianggep mung ngumbar awake wong wadon thok.

Paraga[sunting | sunting sumber]

Crita[sunting | sunting sumber]

Kayla (Herfiza Novianti) yaiku mahasiswi kang kepingin nginep ing villa bareng kancane loro, Barry (Rizky Mocil) lan Ariel (Zidni Adam) kanggo gawe tugas kuliah. Rencana iku ora bisa kelakon kanthi maksimal amarga tingkahe Barry lan Ariel kang seneng film porno lan tumindake kang kesed lan konyol. Nanging wiwit ing villa iku, Kayla kerep ngalami kedadeyan kang aneh. Dheweke nganggep kabeh iku salah siji akibat saka sedane wong tuwane.

Liyane iku Barry lan Ariel lunga blanja lan niyat bali, dheweke ketemu karo wong wadon kewarganegaraan Jepang kang jenenge Mitchiko (Rin Sakuragi) kang lunga ing Indonesia karo Mang Odong (Yadi Sembako) minangka kanca ing dalanan. Mitchiko teka ing Indonesia kanggo aweh barang saka bapake, Tuan Tanaka kang seda pirang-pirang minggu kepungkur, marang suster kang jenenge Karmila. Karmila yaiku suster kang tau ngrawat Tanaka ing Indonesia, lan barang iku mungkin minangka ungkapan matur nuwun.

Mitchiko gawe Barry, Ariel, lan Odong kedanan. Nganti nglamunake Mitchiko. Nalika esuk, Kayla kang lagi dhewekan kenalan karo penghuni villa sebelah, Jeng Dollie (Shinta Bachir) lan Roy Konak (Alex Abbad), pasangan ekshibisionis kang ngundang Kayla lan kanca-kancane ing ulang tahun Roy. Sawise dijelasake dening Ariel babagan kiprah suami-istri iku ing donya pornografi, Kayla celathu yen dheweke mung seneng nginceng ding omah, kanthi bukti anting bunder kang ora dingerteni sapa sing duwe. Ariel mbalikake snting iku marang suami-istri iku lan minangka hadhiah, Ariel dientukake dadi dubber film porno Jepang ing basa Jawa. Ing panggonan liya, Barry bisa oleh alamat Suster Karmila saka puskesmas. Nanging, pendhudhuk lokal ing kana kayane ora kepingin ngandhani informasi babagan Suster Karmila.

Wengine, Barry, Odong, lan Mitchiko tekan ing villa kang kefoto ing foto kang digawa Mitchiko. Barry ngenteni ing jaba, liyane mlebu ing jero. Ing jero, dheweke ketemu Suster Karmila lan ing jaba, Barry entuk info saka pendhudhuk lokal yen kabeh penghuni villa iku wis mati. Mula sawise ketemu setan, kabeh mlayu saka villa iku. Sesuke, Kayla golek informasi ing Internet babagan Suster Keramas. Banjur, Barry lan Mitchiko ketemu suster kang nryitakake nasib Karmila. Karmila biyene wis nulungi Tanaka saka kecelakaan lan ing pungkasane Tanaka tresna marang Karmila. Nalika kekarone berhubungan badan, ana bocah cilik kang ngerti lan crita marang warga ing sakupenge villa. Sawise iku, Tanaka diusir lan Karmila ilang tekan saiki.

Ing sela-sela crita iku, suster crita yen penguni villa sebelah Tanaka kang dadi bocah cilik iku jebule Roy Konak. Sabaline saka omahe suster, Mitchiko nangis amarga Karmila wis mati. Dheweke ndeloki isi kothak kang diwenehi dening Tanaka kang isine warisan aset-aset Tanaka marang Karmila. Ing villa Roy Konak, Jeng Dollie kang nembe ngerti jenenge Suster Keramas ska Barry, nguni jenenge Suster Keramas kaping telu, kang dilarang. Mula Jeng Dollie mati dipateni Suster Karmila. Banjur, Roy Konak kang nemokake bojone mati nyesel nalika dheweke nalika isih cilik crita marang warga tumindake Tanaka lan Karmila. Roy akhire mati.

Ing villa, sawise Kayla ngundang jenenge Suster Keramas kaping telu, suster iku ora nyerang, nanging malah nyikep. Sawise pirang-pirang kilatan adegan, jebul asil hubungan Karmila lan Tanaka yaiku Kayla. Banjur, sadurunge Karmila ilang (sajane dioyak massa amarga nglakoni mesum), Keyla dilairake lan Karmila nyelehake ing salah siji villa. Kebetulan, villa iku duweke bapak lan ibu angkate Kayla. Nalika sadar amarga digugah Odong lan Mitchiko, Kayla nyikep mbakyune, Mitchiko. Film rampungan kanthi Barry lan Ariel kang nemoni Jeng Dollie kang jarene nggantekake Suster Keramas, amarga uripe suster iku wis tentrem.

Sensor[sunting | sunting sumber]

Lembaga Sensor Film (LSF), nalika nyensor film iki, ora ngajak perwakilan saka Majelis Ulama Indonesia (MUI), kanthi alesan yen film Suster Keramas dudu film agama.[4] MUI sempet aweh sinyal bakalan narik perwakilan saka LSF amarga ana pirang-pirang film kang dianggep porno bisa lulus sensor, lan MUI nyontohake film Suster Keramas. Kanggo nyeleksi penonton, dilakokake pameriksaan kartu tanda penduduk (KTP) kanggo penonton film Suster Keramas ing bioskop jaringan 21 lan XXI.[5] Penonton kudu nguduhake KTP kang mbuktikake yen umure wis ing dhuwur 17 taun.

Tanggepan[sunting | sunting sumber]

Tiket film Suster Keramas kadol nganti luwih saka 800.000 lembar. Nanging, film iki dikritik amarga mung ngeksploitasi adegan vulgar, kaya kang diandharake dening mahasiswa saka aktivis Forum Silaturahmi Lembaga Dakwah Kampus Bandung Raya sajroning aksi protese tanggal 8 Januari 2010. Mahasiswa iku ngandharake yen film Suster Keramas mung ngeksploitasi awake wong wadon, lan mudhunake harkat wong wadon. Produser film iki Ody Mulya Hidayat ngandharake yen tudhuhan iku salah persepsi, lan ngandharake yen dheweke mung aweh hiburan thok.

Kontroversi[sunting | sunting sumber]

Sadurunge, Maxima Production ngupaya ngundang bintang porno Jepang Maria Ozawa kanggo main film ing Indonesia, nanging ditentang dening ormas Islam kayadene Front Pembela Islam.[6] Pihak Maxima ngandharake yen dheweke wis kadhung teken kontrak karo manajemen Miyabi, mula dheweke njupuk pemeran liyane, yaiku Rin Sakuragi.[7]

Kanthi tekane bintang porno Rin Sakuragi, film iki nimbulake kontroversi. Mahasiswa saka Forum Silaturahmi Lembaga Dakwah Kampus Bandung Raya nglakoni demonstrasi ing dina Jumat, 8 Januari 2010, amarga nganggep film iku kebak adegan vulgar lan ora ndhidhik.[8]

Massa saka Himpunan Mahasiswa Keperawatan Sulawesi nglakoni unjuk rasa ing Makassar, njaluk pencabutan izin edar film iki.[9] Menteri Pemberdayaan Perempuan dan Perlindungan Anak Linda Amalia Sari nganggep film iki porno.[10] Majelis Ulama Indonesia (MUI) ing Samarinda, Kalimantan Wetan, njaluk supaya film iki dilarang.[11] Majelis ing Palembang wis ngetokake fatwa yen film iki haram. MUI pusat ndhukung pilihan iku, nanging ora ngetokake fatwa kanggo film iki.


Cathetan Sikil[sunting | sunting sumber]

  1. ^ (id)Suster Keramas, kaakses 2 Agustus 2011
  2. ^ (id)Mengapa Film Komedi Horor Kian Menjamur?. VivaNews (kaundhuh tanggal 2 Agustus 2011
  3. ^ (id)www.thejakartaglobe.com Sex and Gore Sell at the Indonesian Box Office (kaundhuh tanggal 2 Agustus 2011)
  4. ^ (id)celebrity.okezone.com Wakil MUI Tak Dilibatkan dalam Sensor Suster Keramas (kaundhuh tanggal 2 Agustus 2011)
  5. ^ (id)entertainment.kompas.com Penonton "Suster Keramas" Wajib Tunjukkan KTP (kaundhuh tanggal 2 Agustus 2011)
  6. ^ (id)celebrity.okezone.com Tak Ada Miyabi, Rin Sakuragi Pun Jadi (kaundhuh tanggal 2 Agustus 2011)
  7. ^ (id)www.kapanlagi.com Suster Keramas, Pencarian Saudara Yang Hilang (kaundhuh tanggal 2 Agustus 2011)
  8. ^ (id)metrotvnews.com Film Suster Keramas kembali Menuai Protes (kaundhuh tanggal 2 Agustus 2011)
  9. ^ oase.kompas.com Mahasiswa Perawat Tolak Film "Suster Keramas" (kaundhuh tanggal 2 Agustus 2011)
  10. ^ www.waspada.co.id Menteri Perempuan nilai 'Suster Keramas' berbau porno (kaundhuh tanggal 2 Agustus 2011)
  11. ^ (id)entertainment.kompas.com Film "Suster Keramas" Dicekal MUI (kaundhuh tanggal 2 Agustus 2011)

Pranala luar[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Suster_Keramas&oldid=831677"