Sōmen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sōmen garing

Sōmen (素麺 atau そうめん?) yaiku mi Jepang kang alus lan tipis lan mesthi didol garing. Sōmen digawe saka glepung kang dicampur banyu, uyah, lan lenga klentik. Sōmen padatan disuguhake minangka panganan kanggo ngadhemake ing mangsa panas.

Adhedhasar saka cara nggawene, sōmen bisa diperang dadi rong jinis, yaiku sōmen gaweyan tangan lan sōmen gaweyane mesin. Adonan mi siji mbaka siji dijembreng nganggo tangan kanggo ngasilake sōmen gaweyan tangan. Dene mesin rajangan dianggo nrajang adonan mi dadi sōmen gaweyan mesin. Kutha Sakurai ing Prefektur Nara sinebut-sebut minangka papan panggonan asale sōmen.

Miturut Standar Pelabelan Kualitas dan Jenis Mi Kering kang ditokake Standar Pertanian Jepang (JAS), sōmen gaweyan tangan utawa gaweyan mesin, ukuran garis tengahe kudu sangisore 1,3 mm. Mi kang garis tengahe punjul saka 1,7 mm diarani udon, dene mi kang ukurane 1,3 mm-1,7 mm diarani hiyamugi.[1]

Saperangan akeh produsen sōmen kang mereke kawentar dumunung ing Jepang sisih kulon. Merek sōmen paling tuwa ing Jepang yaiku Miwa Sōmen saka kutha Sakurai, Perfektur Nara. Produsen sōmen merek Ibonoito dumunung ing kutha Tatsuno, Perfektur Hyogo.

Cathetan suku[sunting | sunting sumber]

  1. ^ "Kanmenrui hinshitsu hyōji kijun". Kementerian Pertanian, Kehutanan, dan Perikanan Jepang. http://www.maff.go.jp/j/jas/hyoji/pdf/kijun_25.pdf.


Sumber artikel punika saking kaca situs web: "http://jv.wikipedia.org/w/index.php?title=Sōmen&oldid=832209"