Prenjak jawa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Perenjak Jawa
Perenjak jawa yang masih muda
Klasifikasi èlmiah
krajan: Animalia
filum: Chordata
kelas: Aves
ordo: Passeriformes
kulawarga: Cisticolidae
Genus: Prinia
Species: P. familiaris
Jeneng binomial
Prinia familiaris
Horsfield, 1821

Prenjak Jawa utawi ingkang dipunkenal ugi kanthi nama ciblek inggih punika sawijining jinis manuk ngoceh saking suku Cisticolidae (ing kathah buku taksih dipunlebetaken ing suku Sylviidae). Wonten ing basa Inggris manuk punika misuwur minangka bar-winged Prinia, ngrujuk saking kalih garis pethak ing saben suwiwinipun. Nama ilmiahipun inggih punika Prinia familiaris Horsfield, 1821.

Morfologi[sunting | sunting sumber]

Manuk alit, kanthi dawa total (kaukur saking pucuk cucuk dumugi ing buntutipun) antawis 13 cm. Sapérangan agedng sisih inggilipun awerni coklat ijo-zaitun. Tenggorokan saha dhadha pethak, weteng saha bokong radi kekuning-kuningan. Bagéan dhadha lan paha radi abu-abu. Ciri khasipun suwiwi kanthi kalih garis pethak, sarta buntut dawa kanthi pucukipun awerni cemeng lan pethak.

Cucukipun dawa lan lancip, sisih inggil awerni cemeng saha sisih andhap awerni kuning. Suku alit awerni coklat semu abrit.

Kebiasaan lan panyebaran[sunting | sunting sumber]

Manuk ingkang regeng lan lincah, ingkang asring dipunpanggihaken ing papan-papan ingkang kabikak utawi dhaérah semak ing taman, pekarangan, pinggir sawah, alas sekunder, dumugi hutan bakau. Ugi asring katingal ing perkebunan teh. Kalih utawi tiga manuk, utawi saged langkung kathah, asring katingal oyak-oyakan sawetawis pados tetedhan ing antawising semak-semak sinambi ngocéh cwuit-cwuit-cwuit.. ciblek-ciblek-ciblek-ciblek.. ! Buntut ingkang tipis dipunéwahaken minggah nalika ngocéh.

Pados mangsa ingkang arupa manéka serangga lan uler, prenjak jawa pados mangsa wiwit saking nginggil lemah dumugi tajuk wit-witan. [[Manuk] punika damel sarangipun ing sesuketan utawi semak-semak ingkang inggilipun dumugi 1,5 m saking lemah. Sarang kanthi bentuk bal alit dipunanyam saking sesuketan lan serat tetuwuhan.

Prenjak jawa minangka manuk endemik (nyebaripun winates) ing wilayah Sumatra, Jawa lan Bali. Ing Sumatra asring dumugi 900 m ing nginggil laut, déné ing Jawa lan Bali umumipun dumugi 1.500 m saking nginggil laut.

Anceman[sunting | sunting sumber]

Sadéréngipun taun 1990-an, [[manuk] punika pikantuk dipunsebut boten kagungan nilai ekonomi, saéngga kathah dipunbebasaken kados déné manuk gereja lan manuk pipit. Sipatipun ingkang gampil adaptasi saha boten ajrih kaliyan manungsa nyebabaken populasi manuk punika lumayan inggil ing papan-papan ingkang cocok.

Sabibaripun taun-taun punika, manuk punika wiwit kathah dipunburu manungsa saperlu dipundagangaken utaminipun ing tlatah Jawa. Punapa déné manuk punika taksih gampil dipunpanggihaken ing wilyaha perkebunan lan kagungan keistimewaan gampil jinak. Sipat jinakipun damel dados gampil dipuncekel kanthi dipunpikat, inggih punika nganggem pambiyantu piranti kaca ing salebeting kandhang. Manuk gampil ketarik kaliyan byanganipun piyambak badhe kajebak ing kandhang.

Bahan Waosan[sunting | sunting sumber]

  • MacKinnon, J., K. Phillipps, B. van Balen. 2000. Burung-burung di Sumatera, Jawa, Bali dan Kalimantan. LIPI dan BirdLife IP. Bogor.

Cathetan Suku[sunting | sunting sumber]

(en) ITIS Database, Dipunundhuh tanggal 8 Desember 2012

Sumber artikel punika saking kaca situs web: "http://jv.wikipedia.org/w/index.php?title=Prenjak_jawa&oldid=835690"