Nusa Kambangan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Nusa Kambangan
Geografi
Lokasi Asia Tenggara
Koordinat 7°45′S, 108°55′E
Jembar 121 km²
Negara
Indonesia
Provinsi Jawa Tengah
Kabupaten Cilacap
Demografi
Populasi Sekitar 3000 jiwa (pegawai LP dan keluarganya), dan ratusan narapidana
Kelompok etnik Jawa

Nusa Kambangan iku sawijining pulo ing Jawa Tengah sing luwih dikenal minangka papan dunungé sawetara Lembaga Pemasyarakatan (LP) kanthi tataran kaamanan dhuwur ing Indonesia. Pulo iki kalebu jroning wilayah administratif Kabupaten Cilacap lan kacathet jroning daftar pulo paling jaba Indonesia. Tumuju menyang pulo iki wong kudu nyebrang nganggo kapal féri saka plabuhan khusus ing Cilacap jroning kurang-luwih limang menit. Plabuhan feri pulo iki jenengé Wijayapura.

Biyèn ana sangang LP ing Nusa Kambangan (kanggo narapidana lan tahanan pulitik), nanging saiki sing isih operasi mung kari papat, yaiku LP Batu (dibangun 1925), LP Besi (dibangun 1929), LP Kembang Kuning (tahun 1950), lan LP Permisan (paling tuwa, dibangun 1908). Lima liyané, yaiku Nirbaya, Karang Tengah, Limus Buntu, Karang Anyar, lan Gleger wis ditutup. Wilayah kidul pulo ngadhep langsung menyang Samudra Indonesia kanthi pantai karang lan ombak gedhé. Wilayah lor ngadhep Cilacap lan dikubengi kampung-kampung nelayan sadawaning alas bakau, antara liya Kampung Laut lan Jojog.

Pedunung Nusakambangan mung para narapidana lan pegawai LP lan kulawargané, ing sangisoré pengawasan Departemen Kehakiman lan Pemda Cilacap. Mlebu metu pulo iki kudu nduwèni idin khusus liwat prosedur sing wis ana. Anak-anak para pegawai mlebu sekolah ing SD sing dumunung ing pulo iki. Kanggo nerusaké tingkat lanjutan (SMP, SMU, utawa pawiyatan luhur),kudu sekolah ing Cilacap utawa kutha liyané ing Pulo Jawa.

Pelabuhan utama feri sing ana ing Nusakambangan yaiku Pelabuhan Sodong, mliginé kanggo prelu transportasi kulawarga lan pegawai sarta narapidana.

Sawetara pesakitan misuwur[sunting | sunting sumber]

Deleng uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Nusa_Kambangan&oldid=815818"