Marie-Antoine Carême

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Marie-Antoine Carême
Lair 8 Juni 1784
Paris, Perancis
Tilar donya 12 Januari 1833 (48 tahun)
Paris, Perancis
Jeneng liya Antonin Carême
Pagawéyan Juru masak (Chef)
Penulis[1]

Marie-Antoine Carême (lair ing Paris, Perancis, 8 Juni 1784 – tilar donya ing Paris, Perancis, 12 Januari 1833 kanthi umur48 taun) inggih punika satunggaling juru masak Perancis ingkang kawéntar minangka "Raja para Juru Masak lan Juru Masak para Raja"[2]. Piyambakipun ngenalaken gaya masak ingkang dipunkenal minangka grande cuisine.[3] Carême nyambut damel kanggé raja, kepala negara lan tiyang - tiyang sugih sarta dipunkenal minangka juru masak "selebriti" ingkang kapisanan.[3] Kejawi dados juru masak, Carême ugi nyerat sapérangan buku kuliner.[3]

Karièr[sunting | sunting sumber]

Awal karièr[sunting | sunting sumber]

Carême miyos wonten ing Paris wonten ing satunggaling kulawarga ageng ingkang miskin.[4] Piyambakipun kagungan 24 tiyang sadhèrèk sarta bapak ingkang nyambut damel minangka buruh.[4] Sawijining dalu ingkang rama mbekta Carême mlampah - mlampah dhateng kutha lajeng nilaraken piyambakipun piyambakan wonten ing margi.[4] Satunggaling tiyang ingkang kagungan kedai manggihaken Carême malem punika lan nawakaken piyambakipun saperlu nyambut damel wonten ing kedai piyambakipun.[4]

Piyambakipun nyambut damel sawetawis taun wonten ing kedai kasebut sadrèèng pungkasanipun milih saperlu pindhah dahteng sawijining restoran nalika umuipun 15 taun.[1] 2 taun candhakipun Carême tundhanipun pindhah pedamelan malih, saklajengipun piyambakipun nyambut damel wonten ing sawijining patisserie (toko roti) ingkang nama Bailly.[1] Bailly minangka salaj satunggaling patisserie ingkang paling apik wonten ing Paris nalika semanten lan kagungan papan lokasi ingkang caket kaliyan Palais Royal utawi Istana Raja.[4] Talleyrand, satunggaling diplomat Perancis, lan Napoleon Bonaparte dipunmangertosi asring ngunjungi Bailly.[1]

Amargi rèputasinipun ingkang saé saèngga Bailly asring nyamektakaken jasa katering kanggé pséta - pésta dansa golongan atas sarta jamuan dhahar kenegaraan.[4] Wonten ing Bailly, Carême kanggé ngrantam pièces montées ingkang dipunginakaken saperlu adicara - adicara sosial.[4] Pièces montées inggih minangka satunggaling hiasan ingkang dipundamel saking pasta gula lan kagungan bentuk ingkang mirip kaliyan bangunan kados piramida, kuil lan mercusuar, punapa déné sesawangan alam kadosta air terjun, bukit, lan wit sarta bentuk-bentuk sanèsipun kadost kranjang lan vas.[4] Carême pikantuk inpirasi kanggé karya-karya lumantar buku-buku lelampahan ingkang dipunwaos piyambakipun wonten ing Bibliothèque Nationale (Perpustakaan Nasional).[4] Lumantar karya-karyanipun nalika nyambut damel wonten ing Bailly, Carême saged dipunkenal déning para diplomat lan tiyang - tiyang saking kalangan nginggil.[4] Éwadéné mekaten, Carême namung tahan sadanguning 3 taun sadrèng piyambakipun mandheg saking Bailly lan nymabut damel wonten ing patiserie ingkang nama Gendron.[4]

Karya[sunting | sunting sumber]

Kejawi dados juru masak, Carême ugi nyerat kathah buku bab kulinèr Perancis ingkang wonten ing dinten samangké dados pandom tumrap para juru masak profesional lan minangka standar kanggé kulinèr klasik Perancis.

Buku-buku ingkang naté dipunserat déning Carême inggih punika:[1]

  • Le Maitre d’hotel français, traité des menus à servir à Paris, à Saint-Pétersbourg, à Londres, à Vienne taun 1820
  • Le Cuisinier parisien ou l’art de la cuisine française au XIXe siècle taun 1828. Kasusun saking 5 volume, 3 volume pisanan dipunserat déning Carême déné 2 volume pungkasan dipunpungkasaken déning Armand Plumerey
  • Le Patissier royal parisien taun 1828
  • Le Patissier pittoresque taun 1842

Delengen Uga[sunting | sunting sumber]

Cathetan Suku[sunting | sunting sumber]

  1. ^ a b c d e (en) Marie-Antoine Carême, Encyclopedia Britannica. Dipunundhah tanggal 12 Maret 2013 2013.
  2. ^ (en) This common sobriquet occurs in every extended article on Carême; one example is the opening paragraph of Darra Goldstein 1995 p. 691, noting also that "his importance for gastronomy is hard to exaggerate".
  3. ^ a b c (en) Gisslen, Wayne (2007). Professional Cooking. John Wiley & Sons, Inc. ISBN 978-0-471-66376-8. Page 4-5.
  4. ^ a b c d e f g h i j k (en) Crescendo of the Virtuoso, University of California Press. Dipunundhah tanggal 12 Maret 2013.

Pranala Njaba[sunting | sunting sumber]