Ludwig van Beethoven

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ludwig van Beethoven

Ludwig van Beethoven (1770-1827), punika satunggiling komposer Jerman, ingkang mawiyaraken wiraga saha wawasan musik klasik. Piyambakipun dados ‘kreteg’ ingkang saged manyabrangi gaya klasik kaliyan gaya romantik.

Beethoven lair ing kutha Bonn, Jerman nalika taun 1770. Bakat ing babagan musik sampun ketinga nalika wiwit alit. Buku musik pertama dipun serat taun 1783. Nalika taksih rumaja, Beethoven kesah ing Wina lan kepanggih Mozart, ananging pepanggihan punika namung sekedhap. Taun 1792 Beethoven ngambali ing Wina malih lan ngangsu kawruh dhumateng Haydn. Piyambakipun lajeng mboten kesah malih saking Wina.

Nalika yuswaipun ngancik kalih dasa taun, Beethoven ngraos menawi piyambakipun risak talinganipun lan mboten saged mireng. Punika dados penggalihipun Beethoven, piyambakipun ngantos nggadhahi panemu menawi badhe mrajaya awakipun piyambak. Piyambakipun lajeng mboten nate medal lan srawung kaliyan masyarakat, ananging karyanipun tetep dipun remeni dening masyarakat.

Yuswa sekawan dasa, Beethoven sampun mboten saged mireng napa-napa malih, ananging piyambakipun tetep ngripta musik kagem piyambakipun. Beethoven nate ngendika dhumateng saah stunggaling kritikus musik "Musikku iki ora kanggo awakmu, nanging kanggo anak putu sapungkurmu".

Kalebet ing karyanipun antawis sanès: sangang simfoni, 32 sonata piano, 16 kwartet, 5 konser piano, satunggal konser biolah, kalih misa, opera Fidelio (1805) kaliyan musik kor. Beethoven nilar donya ing Wina taun 1827.


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Wikipedia
Artikel punika, artikel dhasar ingkang kedah dipundarbèni sadaya basa.