Liamine Zéroual

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Liamine Zéroual
اليمين زروال
Liamine Zéroual

Mangsa jabatan
3 Januari 1994 – 27 April 1999
Perdhana Mentri Mokdad Sifi
Ahmed Ouyahia
Smail Hamdani
Pejabat sadurungé Ali Kafi
Pengganti Abdelaziz Bouteflika

Lair 3 Juli 1941 (umur 73)
Batnah, Aljazair
Partai pulitik Rassemblement National Démocratique
Agama Islam Sunni

Liamine Zéroual (basa Arab: اليمين زروال, Al Yamin Zarwal) [1] (lair ing Batnah, Aljazair, 3 Juli 1941; umur 73 taun) iku présidhèn Aljazair wiwit 3 Januari 1994 nganti 27 April 1999.

Liamine Zéroual lair ing Batnah, kutha paling gedhé nomer limo ana ing Aljazair lor. Dhèwèké nggabung dadi anggota Tentara Pambébasan Nasional ing taun 1957 nalika umuré 16 taun, kanggo merangi pamaréntahan panjajahan Prancis ing Aljazair. Sawisé kamardhikan, Liamine mènèhi latian militèr ing Kairo, Moskwa, lan Paris. Ing taun 1975 dhèwèké diangkat dadi pamimpin sekolah militèr ing Batnah, lan ing taun 1981 dadi pamimpin ing Akadhemi Militèr Cherchell.

Liamine dipercaya dadi komandan wewengkon militèr Tamanrasset ing tahun 1982, ing pawatesan Maroko ing taun 1984, lan ing Constantine ing taun 1987. Dhèwèké banjur diangkat dadi jènderal ing taun 1988, lan kepala staf pasukan dharat ing taun 1989. Amerga ora setuju karo proposal kabijakan Présidhèn Chadli Bendjedid marang réorganisasi tentara, Liamine mundur saka jabatané ing taun 1990. Sawisé iku dhèwèké sempet nglakoni dadi Duta Besar ing Rumania, namung sedhéla waé.

Sawisé kudhéta militèr ing Januari 1992 sing nglengsèraké Présidhèn Bendjedid, kariré Liamine dadi luwih apik. Dhèwèké diangkat dadi Mentri Pertahanan ing Juli 1993, lan dipromosikaké kanggo ngepalani Dhéwan Dhuwur Negara ing Januari 1994. Ing November 1995, dhèwèké kepilih dadi Présidhèn. Jabatan iku tetep dijabat Liamine nganti pamilihan umum salanjuté.

Rujukan[sunting | sunting sumber]

  1. ^ Jeneng Liamine Zéroual kuwi diéja miturut basa Arab dhialèk Maghribi, nanging miturut basa Arab baku diéja Al Yamin Zarwal. Deleng ing: Awni Sadeq. "Algeria’s Islamists Prepare for Elections", Al-Monitor, 10 Februari 2012. diaksès tanggal 4 Oktober 2012. 
Sing mengku  sadurungé:
Ali Kafi
Kepala Dhéwan Dhuwur Negara
& Présidhèn Aljazair

1994–1999
Diganti déning:
Abdelaziz Bouteflika
Sumber artikel punika saking kaca situs web: "http://jv.wikipedia.org/w/index.php?title=Liamine_Zéroual&oldid=834552"