Karajan Pagaruyung

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pagaruyuang
Malayapura
Pagaruyung Dārul Qadār
Flag
1347 – 1833 Flag of the Netherlands.svg
Flag Lambang negara
Gendéra Cap Mohor
Location of Pagaruyung
Ibu kutha Pagaruyung
Basa Minang, Melayu,

Basa Sanskerta

Agama Saking Buddha gantos dados Islam
Pamaréntahan Monarki
Sajarah
 - Didirikan 1347
 - Perang Padri 1833

Karajan Pagaruyung inggih menika satunggalipun Karajan Melayu ingkang naté jumeneng ing provinsi Sumatera Kilèn lan dhaérah ing sakiwatengenipun.[1] Nami karajan menika dipunrujuk saking Tambo ingkang wonten ing masyarakat Minangkabau, inggih menika satunggalipun negari ingkang naminipun Pagaruyung.[1] Ing salajengipun, nami karajan menika ugi saged dipunrujuk saking inskripsi cap mohor Sultan Tangkal Alam Bagagar saking negeri Pagaruyung,[1] inngih menika wonten ing seratan kanthi aksara Jawi wonten ing bundheran ingkang ungelipun: Sultan Tangkal Alam Bagagar ibnu Sultan Khalīfatullāh ingkang kagungan takhta negeri Pagaruyung Dārul Qadār Johan dhaulatipun Zillullāh fīl 'Ālam.[1] Karajan menika pungkasanipun runtuh ing wekdal Perang Padri.[1] Amargi wonten prajanjen antawisipun kaum adat kaliyan Walanda ndadosaken Karajan Pagaruyung wonten ing panguwaosipun Walanda.[1]

Ing wekdal saderengipun dipunjajah Walanda, karajan menika mlebet karajan Malayapura, satunggalipun karajan ingkang wonten ing Prasasti Amoghapasa dipunsebataken dipunpimpin déning Adityawarman, ingkang dipunanggep minangka panguwaosipun Bhumi Melayu ing Suwarnabhumi.[2] Kalebet ing wewengkon karajan Malayapura inggih menika karajan Dharmasraya, sarta karajan utawi dhaerah ingkang sampun dipuntelukaken déning Adityawarman.[2]

Cathetan Suku[sunting | sunting sumber]

  1. ^ a b c d e f (id)[Amran, Rusli (1981). Sumatra Barat hingga Plakat Panjang. Penerbit Sinar Harapan]
  2. ^ a b (id)[Casparis, J.G. 1975. Indonesian palaeography: a history of writing in Indonesia from the beginnings to C. A, Part 1500. Panerbitan E. J. Brill; ISBN 978-90-04-04172-1]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Karajan_Pagaruyung&oldid=832276"