Kanguru
| Kanguru[1] | |
|---|---|
 |
|
| Kanguru Klawu Wétan wadon kaliyan anakipun | |
| Klasifikasi èlmiah | |
| krajan: | Animalia |
| filum: | Chordata |
| kelas: | Mammalia |
| Subkelas: | Marsupialia |
| ordo: | Diprotodontia |
| Suborder: | Macropodiformes |
| kulawarga: | Macropodidae |
| Genus: | Macropus sebagéyan |
| Spesies | |
|
Macropus rufus |
|
Kanguru menika salah setunggaling kéwan khas Australia.[2] Kejawi misuwur dados kéwan ingkang lucu, kanguru ugi saged mlumpat nalika pidhah panggènan.[2] Kathah panliti ingkang nliti kénging menapa kanguru mlumpat nalika pindhah panggènan.[2]
Nalika nembé lair, kanguru enèm bobotipun namung setengah gram.[2] Anak kanguru menika manggèn wonten ing kanthong ibunipun kirang langkung sangang wulan.[2] Anak kanguru manggèn wonten ing kanthong ibunipun supados aman saking bebaya.[2]
Kanguru siti [sunting]
Kanguru siti nggadhahi nami Latin Thylogale Brunni.[3] Kanguru siti menika salah setungaling kéwan asli Indonésia.[3] Kanguru siti asalipun saking Papua.[3] Sanajan taksih setunggal kluwarga kaliyan Kanguru Australia, ananging bèntenipun saged dipunpirsani saking ukuran badanipun.[3]
Kanguru siti Papua utawi ingkang limrahipun dipunwastani Lau-Lau déning para pedunung, ukuranipun alit.[3] Kanguru siti inggilipun kirang langkung namung 90 cm.[3] Déné bobotipun mboten langkung saking 10 kg.[3] Kanthi menika, kanguru siti dados kanguru ingkang paling alit sadonya.[3]
Habitat aslinipun kanguru siti menika wonten ing wana subtropis saha padhang Savana.[3] Kanguru siti menika nggadhahi sifat ingkang mboten mbebayani dhumateng manungsa.[3] Kanguru menika langkung saged dados réncangipun manungsa tinimbang kanguru Australia.[3] Kanguru siti ugi kalebet kéwan ingkang saged punah, amargi habitat kanguru siti menika sangsaya kirang saha kathah kanguru ingkang dipuncepeng.[3] Kanguru ingkang sampun dipuncepengi menika limrahipun lajeng disadé.[3]
Panganan kanguru siti inggih menika ron-ronan, woh-wohan, saha umbi.[3]
Cathetan suku [sunting]
- ^ Groves, C. (2005-11-16). Wilson, D. E., and Reeder, D. M. (eds). ed. Mammal Species of the World (cithakan ka-3 ed.). Johns Hopkins University Press. pp. 64 & 66. ISBN 0-801-88221-4. http://www.bucknell.edu/msw3.
- ^ a b c d e f (id)techno.okezone.com(dipunundhuh tanggal 7 Oktober 2011)
- ^ a b c d e f g h i j k l m n (id)gembiralokazoo.com(dipunundhuh tanggal 7 Oktober 2011)
