Kalpataru

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Relief wit Kalpataru ing Candhi Pawon (abad kaping-8), Magelang, Jawa Tengah.

Kalpataru (utawa Kalpawreksa, Kalpadruma, Kalpapāda)(basa Sangskreta: कल्पवृक्ष, Kalpavriksha) inggih menika pralambang pangayoman. Dumadi saking tembung kalpa ingkang ateges urip/gesang saha tembung taru ingkang ateges wit. Dados Kalpataru menika tegesipun wit panguripan.

Dening pamerintah Indonésia, Kalpataru menika dipundadosaken replika ingkang salajengipun dados awujud tropi ingkang dipunaturaken kangge tiyang ingkang ndherek manyengkuyung saha ngupakarti lingkungan utawi alam.

Wonten ing saperangan candi Hindhu ing Indonésia, wonten relief ingkang nggambaraken Kalpataru, ingkang dipunpitadosi dados lambang panguripan. Ugi dados lambang pangayoman amargi Kalpataru menika awujud Wit Ringin ingkang ronipun ijo ngrembuyung, ngayomi, ngadhemi, saha ngayemi sedaya ing sakiwa tengenipun. Saged dados patuladhan mliginipun kangge pra pangarsa ingkang kedah saged ngayomi, ngadhemi, saha ngayemi rakyatipun.

Sumber artikel punika saking kaca situs web: "http://jv.wikipedia.org/w/index.php?title=Kalpataru&oldid=829809"