Jeongseon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peta Kabupatèn Jeongseon
Stasiun kereta api Jamiwon ing Jeongseon.

Jeongseon (정선군) inggih menika satunggaling kabupaten ingkang wonten ing propinsi Gangwon, Korea Kidul.[1] Dhaérah menika mapan wonten ing pagunungan mawi pucuk ingkang inggil lan kalebet asal saking tembang Jeongseon Arirang, inggih menika salah satunggaling varian Arirang.[2]

Stereotipe kala rumiyin[sunting | sunting sumber]

Kala rumiyin, Jeongseon menika kondhang minangka papan ingkang menawi wonten tiyang ingkang dugi ing mriku kanthi nangis lan bilih nilaraken papan menika ugi nangis.[1] Nate wonten satunggaling bupati ingkang dipunparingi tugas ing papan kasebut, piyambakipun banjur nangis amargi kedah gesang wonten ing papan ingkang pelosok sanget. Ananging sansaya dangu, piyambakipun lajeng malah dados kerasan amargi kaendahan alam lan pendudukipun ingkang sumeh. Bibar masa tugasipun rampung, piyambakipun kedah nilaraken Jeongseon kanthi netesaken luh (air mata).[1]

Alam lan objèk pariwisata[sunting | sunting sumber]

Kawontenan geografis Jeongseon menika dipuntandhani kanthi kathah gunung ing sanginggilipun 1000 meter, salah satunggalipun menika Gariwangsan (Gunung Gariwang) kanthi dhuwur 1561 mèter.[1] Ilinging toya saking gunung-gunung kasebut dados setunggal lan ndhapuk KaliDong (Donggang) utawi nama sanèsipun menika Kali Joyang.[1] Kali Dong mili dhateng wewengkon Kabupaten Yeongwol lan muaranipun wonten ing Kali Namhan (Namhangang).[1] Kali menika kalebet salah satunggaling objèk pariwisata Jeongseon ingkang paling kathah para wisatawan ingkang dugi ing mriki.

Auraji[sunting | sunting sumber]

Auraji menika patemon antawisipun ilining Kali Song (Songcheon) lan Kali Golji (Goljicheon).[1] Ing masa rumiyin, titik menika kalebet mandegan rakit-rakit ingkang mbeta kayu tumuju Kutha [Seoul]], kanthi liwat Kali Namhan.[1]

Papan Pariwisata sanès[sunting | sunting sumber]

  • Hwaamgul (Gua Hwaam), gua kanthi grojogan gua ingkang paling inggil ing Asia (28 meter) sarta stalaktit-stalaktit alam.[3] Gua menika rumiyinipun dados tambang emas ingkang kelampahan saking taun 1922 dumugi taun 1945.[3]
  • Morundae, menika satunggaling pucuk watu karang ingkang ateges “papan méga (awan) makempal”.[1] Watu menika rumiyinipun dados papan kanggé pados inspirasi kagem para penyair amargi kawontenanipun ingkang sepi lan papanipun inggil sanget kados-kados méga-méga ngliwati papan menika.[1]
  • Jeongamsa (Kuil Jeongam), kuil Buddha ingkang jumeneng ing masa pamaréntahan Ratu Seondeok saking kerajaan Silla.[1] Ing kuil menika, mliginipun ing pagoda watu Sumano nyimpen waja saking relik Buddha (sarira). Pérangan menika ndadosaken salah satunggal saking 5 kuil Buddha ing Korea ingkang dipunpitadosi nyimpen relik Buddha. Pagoda Sumano ingkang dipunjagi minangka Harta Negara Nomor 410, gadhah 7 tingkat lan kasusun saking watu bata.[1] Pohon Yew ingkang mapan wonten ing Aula Jeongmyeolbogung (bangunan utami kuil) dipuntandur déning Biksu Jajangyulsa kirang langkung 1300 taun kepengker.[1]

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:

Cithakan:Gangwon

Sumber artikel punika saking kaca situs web: "http://jv.wikipedia.org/w/index.php?title=Jeongseon&oldid=876180"