Jamur kuping ireng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jamur kuping cemeng
Klasifikasi èlmiah
krajan: Fungi
divisio: Basidiomycota
kelas: Heterobasidiomycetes
ordo: Auriculariales
kulawarga: Auriculariaceae
Genus: Auricularia
Species: A. polytricha
Jeneng binomial
Auricularia polytricha
(Mont.) Sacc.

Jamur kuping cemeng utawi mawi basa Jawi ngoko jamur kuping ireng (Auricularia polytricha, sinonim Hirneola polytricha) menika salah setunggaling spesies jamur saking kelas Heterobasidiomycetes (jelly fungi).[1] Jamur kuping cemeng nggadhahi werni coklat tuwa radi bening.[1] Jamur menika nggadhahi wangun ingkang arupi talingan manungsa. [1] Wonten ing basa Tionghoa, jamur kuping cemeng menika dipunwastani kanthi nami (pinyin: yún ěr), (pinyin: máo mù ěr) utawi (pinyin: mù ěr).[1] Jamur kuping cemeng menika biyasanipun dipunginakaken kanggé campuran masakan Asia.[1]

Jamur kuping cemeng tuwuh wonten ing kayu ingkang sampun bosok ing panggènan ingkang teles utawi lembab.[1] Jamur kuping cemeng nalika taksih seger ketingal kados jelly utawi ager-ager, ananging nalika sampun garing ketingal mengkeret saha langkung alit tinimbang nalika taksih seger.[1]

Jamur kuping cemeng kathah dipunsadé kanthi wangun ingkang sampun garing.[1] Menawi badhé masak jamur menika kedah dipunrendhem wonten toya rumiyin.[1] Jamur kuping cemeng nalika sampun dipunmasak nggadhahi raos kados balung ingkang empuk saha mboten nggadhahi raos utawi raosipun netral.[1]

Jamur kuping cemeng ugi asring dipunginakaken kanggé bahan obat tradhisional amargi nggadhahi sifat antikoagulan.[1] Jamur kuping cemeng menika saged kanggé tamba penyakit jantung, pambuluh getih kanthi endhapan (aterosklerqsis), kanggé ngirangi kolesterol saha trigliserid, antiplatelet saha antipangenthelan getih.[2] Jamur kuping cemeng ugi saged kanggé obat antipanggetihan.[2]

Cathetan suku[sunting | sunting sumber]

  1. ^ a b c d e f g h i j k (id)naturindonesia.com(dipunundhuh tanggal 16 September 2011)
  2. ^ a b (id)suaramerdeka.com(dipunundhuh tanggal 16 September 2011)
Sumber artikel punika saking kaca situs web: "http://jv.wikipedia.org/w/index.php?title=Jamur_kuping_ireng&oldid=832792"