Furikake

Saka Wikipédia Jawa, bauwarna mardika basa Jawa
Furikake ing ndhuwur sega

Furikake (ふりかけ?) ya iku bumbu panganan asal Jepang kang wujudé bunder cilik-cilik, glepung, utawa duwé serat kaya abon. Bumbu iki diwurake ing ndhuwur sega lan dipangan dadi lawuh. Furikake ora digawé nalika arep mangan, nanging digawé langsung akèh lan dipangan sithik-sithik yèn arep mangan. Produsen panganan saiki nggawé furikake ing manéka rasa lan wadhah kang narik kawigaten.

Jinising furikake kang diarani bumbu ochazuke (ochazuke no moto) diwènèhake ing ndhuwur sega lan digabyur nganggo banyu panas utawa teh ijo panas kanggo nggawé ochazuke. Nalika nggawé onigiri, sega kang wis diwènèhi furikake diudheg-udheg ndhisik sadurungé dikepel-kepel.

Sakabehing bahan kang arep digawé furikake diajurake nganti rada alus lan dibumboni. Sawisé digaringaké, isi kang liyané (kaya nori, wiji wijen, utawa janganan kang digaringaké) ditambahake ing furikake minangka panyedhep. Furikake seger (nama furikake) ya iku variasi saka furikake kang ora digaringaké. Kabèh bahan dicampur lan diudheg dadi siji. Bahan kanggo nggawé furikake seger ya iku iwak teri, serutan katsuobushi, rumput laut kang dirajang cilik, kombu, abon iwak utawa panganan laut liyané.