Onigiri

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Onigiri

Onigiri (おにぎり, 御握り?) (basa Indonesia: nasi kepal, basa Jawa:sega kepel) yaiku panganan saka Jepang arupa sega kang dikepel-kepel nalika isih anget, digawe wujud segi tiga, bunder, utawa kaya karung beras. Panganan iki uga dikenal kanthi jeneng Omusubi, miturut kabare, iku sesebutan kang dianggo para wanodya ing istana kaisar kanggo nyebut onigiri. Onigiri dipangan nganggo tangan (muluk), ora nganggo sumpit.

Ing Indonesia, onigiri bisa ditemoni ing bageyan panganan Jepang ing toko swalayan lan ing restoran kang dodol panganan Jepang. Ing Tiongkok, Onigiri diarani fàntuán(飯糰)

Cara mbentuk sega[sunting | sunting sumber]

Sega kanggo onigiri prayogane beras kang ngandhut kanji dhuwur kaya beras jinis Japonica, nanging ing negara-negara Asia Tenggara kang padatan dipangan yaiku beras jinis Indica. Sega saka beras Japonica, yen diadang luwih gampang ngraket dadi gampang digawe onigiri.

Sadurunge nggawe onigiri, tangan kudu ditelesi dhisik nganggo banyu mateng supaya segane ora nemplek ing tangan. Sawise iku banjur diwenehi uyah supaya nemplek ing tangan.

Onigiri kang paling prasaja padatan isine daging iwak salmon panggang utawa Umeboshi kang ana ing satengahing sega. Saliyane iku, onigiri uga ana kang dipanggang sawise diwenehi kecap asin utawa miso.

Ing Jepang, onigiri mujudake bekal mangan awan nalika piknik utawa dipangan ing ndalan. Sega ing Bento (kothak mangan awan khas Jepang) padatan wujude onigiri. Senajan akeh wong Jepang kang tuku onigiri gaweyan pabrik kang didol ing toko swalayan, onigiri mujudake panganan gaweyan dhewe kang digawe ing omah kang cara nggawene diwarisake turun tumurun.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Onigiri&oldid=830914"