Dina Bastille

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kembang Api ing Menara Eiffel nalika mèngeti dina Bastille

Dina Bastille yaiku salah sawijining dina nasional ing negara Perancis sing dipèngeti saben tanggal 14 Juli. Dina Bastille, ing Perancis sinebut La Fête Nationale (Pahargyan Nasional) utawa Le quatorze juillet (Empat Belas Juli) anengendi para wargané cuti bebarengan. Ing dina iki para warga Perancis bebarengan nyengkuyung dina kang adiluhung iki. Saliyané para warga, pamaréntah Perancis uga ora baèn-baèn anggoné ngetokaké wragad saperlu ngramékaké acara Dina Bastille. Dina Bastille iku sejatiné dina kanggo mèngeti pangluruhan kunjara Bastille kang kadadeyan ing taun 1789 utawa prastawa Fête de la Fédération.[1] Pèngetan taun sepisan panyerbuan kunjara Bastille iki dianggep dadi sawijiné lambang kebangkitan bangsa Perancis Modern lan rekonsiliasi Perancis miturut konstitusi Monarki sadurungé kasoran dèning Replubik Pertama ing Revolusi Perancis.[1]

Sujarah[sunting | sunting sumber]

The Bastille yaiku salah sawijiné bèntèng ing abad pertengahan lan kunjara ing Paris.[2] Akèh wong ing Perancis kang nduwé gegayutan karo wewaler kang abot saka sistem Monarki Bourbon ing pungkasan taun 1700-an.[2] Ing tanggal 14 Juli 1789, tentara padha nyerang Bastille.[2] Iki prastawa wigati ing wiwitané Revolusi Perancis Fête de la Fédération kang dianakaké tanggal 14 Juli 1790 kang dadi cara kanggo mèngeti kawentuké monarki konstitusional ing Perancis.[2] Pahargyan resmi dianakaké ing Paris tanggal 30 Juni 1878 kanggo ngurmati Republik Perancis.[2] Ing tanggal 14 Juli 1879, pahargyan luwih resmi ditahan. Iki kalebu review militer ing sacedhaké Paris Longchamp lan pahargyan ing saindhenging negeri.[2] Salah sawijiné pawongan kang jenengé Benjamin Raspail ngusulaké supaya 14 Juli dadi dina prèi ing Perancis nalika taun 1880.[2] Hukum diundhangaké ing tanggal 6 Juli 1880 kang netepaké Dina Bastille tanggal 14 Juli dadi dina prèi.[2]

Acara[sunting | sunting sumber]

Akèh wong kang padha nyengkuyung Dina Bastille kanthi menéka werna acara, kayata parade militer lan sipil, pagelaran musik, komunal panganan, tari-tarian, Balls, lan nyumet kembang api kang spektakuler.[2] Ana parade militer gedhé ing Paris ing wayah ésuk tanggal 14 Juli. Layanan lanang lan wadon saka manéka unit, kalebu taruna saka sekolah militer Angkatan Laut Perancis, lan Legiun Asing Perancis mèlu acara pahargyan iki.[2] Pawai dipungkasi kanthipasukan Pemadam Kebakaran Perancis.[2] Déné pesawat militer nabur ing dhuwur rute parade.[2] Presidhen Perancis mbuka parade lan ngemataké pasukan uga éwonan wong kang nonton.[2] Wong-wong liya ngentèkaké dina tenang kanthi kumbul bujana utawa piknik karo kulawarga lan kanca-kanca.[2]


Deleng uga[sunting | sunting sumber]

Cathetan Suku[sunting | sunting sumber]

  1. ^ a b Perayaan Hari Bastille(diundhuh 5 Januari 2013)
  2. ^ a b c d e f g h i j k l m n Bastille Day(diundhuh 13 Januari 2013)


Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Dina_Bastille&oldid=879637"