Cabé

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cabé
Tanduran cabé
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Piperales
kulawarga: Piperaceae
Genus: Piper
Species: P. retrofractum
Jeneng binomial
Piper retrofractum
Vahl.
Woh cabé sing wis digaringaké.

Cabé utawa , cabai jawa, cabé, lada panjang (Piper retrofractum Vahl. syn. P. longum) iku kerabat saka mrica lan kalebu jroning suku suruh-suruhan utawa Piperaceae. Dikenal uga minangka cabai solak (Madura) lan cabia (Sulawesi). Tanduran asli Indonésia iki populèr minangka tanduran obat pekarangan lan tuwuh uga ing alas-alas sekunder dhataran rendah (nganti 600m ing sadhuwuré lumahing segara).

Tanduran iki wis suwé dikenal déning wong Romawi lan kerep dikacaukan karo mrica. Ing Indonesia dhéwé woh sing garing dipigunakaké minangka rempah kanggo gawé rasa pedhes.

Cabé bisa tuwuh ing lahan sing dhuwuré 0-600 mèter ing sadhuwuré lumahing segara (dpl), kanthi curah udan rata-rata 1.259-2.500 mm/taun. Lemah lempung mawa pasir, kanthi struktur lemah gembur lan mawa drainase sing apik, minangka lahan sing cocog kanggo budidaya cabé. Tanduran iki nduwèni kaunggulan bisa tuwuh ing lahan garing mawa watu.

Dhèskripsi tanduran[sunting | sunting sumber]

Wangun tanduran iki kaya suruh, ngrambat, mènèk, mbelit, lan njalar. Godhongé awangun bunder nganti lonjong, pangkal godhong awangun jantung utawa bunder, pucuk godhong lancip kanthi bintik-bintik kelenjar. wohé majemuk bulir, wanguné bunder dawa utawa silindris, lan pucuké tansaya cilik. Woh sing durung tuwa awarna klawu, banjur dadi ijo, banjur kuning, abang, sarta empuk. Rasané pedhes lan tajem aromatis[1].

Khasiat lan Kagunan[sunting | sunting sumber]

Woh cabé nduwèni khasiat minangka obat lara weteng, masuk angin, bèri-bèri, rématik, tekanan darah rendah, kolèra, influenza, lara ngelu, lemah syahwat, bronkitis, lan sesek napas. Amarga saka kuwi, cabé akèh dibutuhaké minangka bahan jamu tradhisional lan obat pil/kapsul modhèrn sarta bahan campuran ombènan. Rasa pedhes iku asalé saka senyawa piperin, kanthi kandhutan watara 4,6 persèn.

Pranala njaba[sunting | sunting sumber]

Rujukan[sunting | sunting sumber]

  1. ^ Syukur, C. lan Hernani: "Budi Daya Tanduran Obat Komersial", halaman 33. PT Penebar Swadaya, 2002
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Cabé&oldid=851509"