Ca murca

Ca murca
Aksara Bali
Aksara Latin:	Ca
Fonèm:	[c], [tʃ]
Warga aksara:	talawya
Gantungan:

Ca murca inggih punika salah satunggaling aksara wianjana (aksara konsonan) ing sistem panyeratan aksara Bali ingkang nglambangaken swanten /c/ dan /tʃ/. Manawi Ca murca dipunlatinaken, lajeng dipunserat "ca".

Fonèm

Ing aksara-aksara saking India ingkang diginakaken kanggé anyerat basa Sansekerta (lan sadaya basa sasedhèrèk), Ca dipunpocapaken /ca/ lan dipun-ginakaken ing tetembungan ingkang gadhah swanten /c/ (pirsani: IAST). Nanging ing aksara Jawi lan Bali, Ca ugi dipun-ginakaken ing tetembungan ingkang gadhah swanten /t͡ʃ/, kamangka ing aksara asalipun, Ca dipun-ginakaken ing swanten /c/. Ing salebeting basa Indonesia, Jawi, lan Bali, wonten swanten /t͡ʃ/ ingkang langkung dipunpocapaken /c/, lan ing basa lésan, Ca saged dipunpatrapaken kanggé nglambangaken swanten /ca/ lan /t͡ʃa/.

Panganggenipun

Ca murca tinulis kanggé tetembungan ingkang gadhah swanten /t͡ʃ/ lan /c/. Kalih swanten punika lambangipun migunakaken Ca murca rikala kaserat ing aksara Bali.

Ing aksara maduita, Ca murca ugi dipun-ginakaken minangka papan kanggé nggantungipun Ca laca manawi satunggal tembung dipunserat miturut kawruh aksara maduita. Kadosta (ing basa Bali waosan aksara Latin): icchā, suécchā, puccha, nīccha. Manawi tetembungan punika dipunserat ing aksara Bali, lajeng aksara C ingkang celak kaliyan aksara swanten dipunserat nganggé Ca murca, sawatawis aksara C ingkang dipuntumuti aksara H dipunserat nganggé Ca laca.

Ugi pirsani

• Ca laca
• Nya
• IAST
• Alfabet Melayu

Rujukan

• Tinggen, I Nengah. 1993. Pedoman Perubahan Ejaan Basa Bali dengan Huruf Latin dan Huruf Bali. Singaraja: UD. Rikha.
• Surada, I Made. 2007. Kamus Sanskerta-Indonesia. Surabaya: Penerbit Paramitha.
• Simpen, I Wayan. Pasang Aksara Bali. Diterbitkan olèh Dinas Pendidikan dan Kebudayaan Provinsi Laladan Tingkat I Bali.