Bintaro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Artikel iki ngenani tanduran Bintaro. Kanggo pengertian liya, pirsani Bintaro (disambiguasi)

Bintaro
Bintaro
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Gentianales
kulawarga: Apocynaceae
Genus: Cerbera
Species: C. manghas
Jeneng binomial
Cerbera manghas

Bintaro (Cerbera manghas) iku tanduran pesisir utawa rawa arupa wit-witan sing dhuwuré bisa nganti 12 m. Dikenal ing pesisir Pasifik nganggo jeneng Leva (Samoa), Toto (Tonga), lan Vasa (Fiji).

Pemerian[sunting | sunting sumber]

Bintaro lan kembangé

Godhongé awangun lonjong, awarna ijo tuwa, sing kasusun seling-selingan. Kembangé wangi kanthi makutha sing nduwèni diameter 3-5 cm awangun trompèt kanthi bongkot sing awarna jambon. Benang sari cacahé lima lan posisi bakal woh dhuwur. Woh awangun lonjong, dawané watara 5-10cm, lan awarna abang yèn wis mateng.

Penyebarané sacara alami ing dhaérah tropis Indo Pasifik, saka Seychelles nganti Polinesia Prancis. Bintaro asring dianggo minangka bagéyan saka ekosistem alas mangrove. Ing Indonésia Bintaro saiki dipigunakaké minangka wit-witan penghijauan dhaérah pesisir sarta wit-witan pengayom ing kutha.

Etnobotani[sunting | sunting sumber]

Godhong lan wohé ngandhut bahan sing migunani kanggo jantung, sawijining glikosida sing diarani cerberin, sing ngandhut wisa. Mula, wiwit biyèn dianggo racun kanggo panah/tulup. Wisané bisa dianggo kanggo matèni wong.

Jeneng èlmiah Cerberus dijupuk saka jeneng asu sing endhase sepuluh,miturut mitologi Yunani.


Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Bintaro&oldid=815861"