Anaphalis javanica

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anaphalis javanica
Anaphalis javanica (Javanese Edelweiss) didol déning warga Bromo sawisé diwernani.
Status konsèrvasi
Klasifikasi èlmiah
krajan: Plantae
(unranked): Angiospermae
(unranked): Eudicots
(unranked): Asterids
ordo: Asterales
kulawarga: Asteraceae
Genus: Anaphalis
Species: A. javanica
Jeneng binomial
Anaphalis javanica

Anaphalis javanica, sing ditepungi sacara populèr minangka Edelweiss jawa (Javanese edelweiss), iku tetanduran endemik zona alpina/montana ing manéka pagunungan dhuwur Nusantara.[1] Tanduran iki dhuwuré bisa tekan 8 m lan bisa duwé batang sing gedhéné sasikilé manungsa senajan umumé ora ngluwihi 1 m. Tetanduran iki saiki dikategorikaké langka.

Edelweis arupa tanduran pelopor kanggo lemah vulkanik enom ing alas pagunungan lan bisa tahan urip ing lemah sing tandus, amarga bisa mbentuk mikoriza karo jamur lemah tinentu sing sacara èfèktif miyaraké kawasan sing dijangkau déning oyot-oyoté lan ningkatak éfisiènsi jroning golèk dat hara. Kembangé, sing biasané muncul ing antara wulan April lan Agustus[1] , banget disenengi srangga, luwih saka 300 jinis srangga kayadéné tumo, tirip, kupu, laler, tabuhan, lan tawon katon nyeraki.

Menawa tanduran iki cawang-cawangé dijaraké tuwuh cukup kukoh, edelweis bisa dadi papan nyusuh manuk tiung batu licik Myophonus glaucinus. Bagéyan-bagéyan edelweis asring dipethik lan digawa mudhun saka gunung kanggo alasan-alasan estetis lan spiritual, utawa mung kanggo kenang-kenangan déning para pendaki. Ing wulan Februari tekan Oktober 1988, ana 636 watang sing kacathet wis dijupuk saka Taman Nasional Gunung Gede Pangrango, sing arupa salah siji papan pangreksan akir tanduran iki. Jroning wates tinentu lan menawa mung potongan-potongan cilik sing dipethik, tekanan iki bisa ditoleransi. Ing Taman Nasional Bromo Tengger Semeru, tanduran iki ditélakaké punah.[2]

Sayangé kasrakahan sarta pangarep-arep sing salah wis ngorbanaké akèh populasi, utamané populasi sing ana ing dalan-dalan setapak. Panalitèn sing wis dilakokaké nuduhaké yèn edelweis bisa ditangkaraké kanthi gampang liwat pamotongan cawang-cawangé. Mula potongan-potongan iku mungel bisa didol marang pengunjung kanggo ngurangi tekanan marang populasi liar.

Rujukan[sunting | sunting sumber]

  1. ^ a b Whitten, Tony and Jane (1992). Wild Indonesia: The Wildlife and Scenery of the Indonesian Archipelago. United Kingdom: New Holland. pp. page 127. ISBN 1-85368-128-8.
  2. ^ dlc.dlib.indiana.edu

Galeri[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Anaphalis_javanica&oldid=822611"