Yejong saking Goryeo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Yejong saking Goryeo
Hangul 예종
Hanja
Alihaksara sing Disampurnakaké Yejong
McCune–Reischauer Yejong
Jeneng lair
Hangul 왕우
Hanja 王俁
Alihaksara sing Disampurnakaké Wang U
McCune–Reischauer Wang U
Jeneng krama
Hangul 세민
Hanja 世民
Alihaksara sing Disampurnakaké Semin
McCune–Reischauer Semin

Yejong saking Goryeo (1079–1122) (jumeneng 1105–1122) punika raja ingkang kaping 16 Goryeo.

Biografi[besut | besut sumber]

Yejong saking Goryeo punika putra pembarep Kaisar Sukjong kanthi Ratu Myeongui. Piyambakipun punika jumeneng sasampunipun Ramanipun séda.[1]

Ing antawisipun dekretipun ingkang sapisan nalika taun 1106, punika kalebet satunggaling dhawuh kanggé mecah krajan dhateng divisi administratif énggal. Piyambakipun punika satunggaling promotor saé wonten ing Taoisme, milih piwulangan kasebat tinimbang piwulangan Buddha ingkang dipunanut déning para pangarsanipun ing astana. Nalika ing mangsa pamaréntahipun, upacara-upacara astana dipuntepangkan déning Dinasti Song, Tiongkok, kathah pendhèrèk lan institusi Taoisme dipunmadegaken wiwit ngrembaka.

Sinaosa ing wiwitan abad ingkang kaping 12 punika kalebet jaman ingkang radi stabil tumrap Koréa, Yejong punika kedah ngadhepi trajangan saking Jurchen wonten ing sisih lor krajan. Piyambakipun punika boten nyaguhi kekajengan diplomatik Dinasti Jin, ingkang dados sainganipun ing Tiongkong ingkang dipunmadegaken nalika taun 1115 déning Jurchen. Sewalikipun piyambakipun punika ngirim rombongan kanthi cacah ingkang kathah kanggé nangkis serangan Jis wonten ing wewengkon sisih lor krajanipun.[2]

Piyambipun punika ugi kondhang awit sponsoripun wonten seni. Ing taun 1114, Yejong punika ngirim panyuwunan dhumateng Dinasti Song Kaisar Huizong supados ngirim instrumen Cina dhateng astananipun wonten ing kutha krajan Goryeo Gaeseong, supados piyambakipun punika saged ngatur upacara wonten ing Astana Goryeo. Huizong, katingalipun salah paham kaliyan panyuwunan kasebat, ngirim setunggal set piranti musik ingkang dipun-ginakaken kanggé musik upacara prayaan wonten ing krajan (Huizonf ing taun 1110, kanthi alesan pulitik maringi jaminan status "raja sejati" lan Goryeo bibar punika ngatur piyambak kanthi béda ingkang ageng saking Tiongkok.[3] Kalih taun salajengipun, ing taun 1116, Yejong punika ngirim petisi sanèsipun kanthi nyethakaken malih panyuwunipun instrumen musik kanggé upacara lan dipunparingi walesan saking Huizong kanthi ngirim bebungah ingkang langkung ageng malih saking instrumen musik ingkang sadèrèngipun (ingkang punika instrumen yayue, kanthi cacahipun 428) lan dipunsarengi kaliyan jogèd tradhisional lan dhawuhan ingkang jumbuh, wiwitanipun tradhisi aak, Koréa.

Ketingalipun bebungah-bebungah kasebat wonten ing taun 1114 lan 1116 kalebet bagéyan saking usaha kanggé pikantuk kasetyanipun Goryeo anggènipun nglawan Jurchen, nanging strategi punika kabukti boten kasil; Goryeo panggah nétral lan kutha krajan Song, kaifeng dados kagunganipun Jin ing taun 1127.

Yejong punika ugi gadhah kawigatèn marang botani, ngempalaken tuwuh-tuwuhan ingkang langka saking sedaya Koréa lajeng ngirim dhateng Tiongkok minangka ijolan kaliyan tuwuh-tuwuhan Cina.[4] Ugi sedangunipun mangsa pamaréntahipun, industri keramik punika ngrembaka kanthi desain Koréa ingkang kathah wonten ing Tiongkok ingkang sepisanan.

Pamaréntahan Yejong ingkang dipuntandhani mrosotipun wasésa déning para penasehat pamarentahan lan para pejabat sanèsipun ingkang asring padudon setunggal lan setunggalipun.[5] Pérangan punika dipuntambah kaliyan sansaya angèlipun militèr kaliyan Jurchen ing sisih lor, damel munduripun sansaya tebih dhateng buku-buku lan ritual Taoisme.[6] Yejong dipun-gantos déning putranipun, Injong sasampunipun piyambakipun séda. Injong punika putra permaisuri Yejong, ingkang putri kekalih Yi Cha-gyom, pangarsa klan wonten ing Incheon.[7]

Cathetan babagan Yejong ingkang sejatosipun (sillok) dipundamel kompilasi déning tigang tiyang sejarawan (kalebet sarjana Konfusian Kim Bu-sik, ingkang dipuntunjuk dados tiyang ingkang nyathet buku padintenan krajan utawi ji, ing taun 1121) wiwit saking taun 1123.[8]

Pirsani ugi[besut | besut sumber]

Rujukan[besut | besut sumber]

  1. "예종 睿宗" Priksa gandra |url= (pitulung) (ing basa Korean). Nate / Encyclopedia of Korean Culture. 
  2. "The Northern Frontier". Koreanhistoryproject.org. Dijupuk 2010-01-07. 
  3. "by Cho Woo-suk, JoongAng Daily, November 22, 2004". Buddhapia. 2004-11-22. Dijupuk 2010-01-07. 
  4. "South Korea Trave Tips". Southtravels.com. Dijupuk 2010-01-07. 
  5. [1]
  6. Ham, Sok Hon (1985). "Queen of suffering: a spiritual history of Korea". Chapter IV The North: Prize and Peril. Friends World Committee for Consultation. Dijupuk 2010-01-07. 
  7. "The Sword and the Crown". Koreanhistoryproject.org. Dijupuk 2010-01-07. 
  8. "An Introduction to the Samguk sagi". University of Hawaii. Diarsip saka sing asli ing 2012-08-05. Dijupuk 2010-01-07. 

Pranala njawi[besut | besut sumber]

Yejong saking Goryeo
Lair: 11 Februari 1079 Tilar donya: 15 Mei 1122
Gelar kabangsawanan
Kang sadurungé
Sukjong
Raja Goryeo
1105–1122
Kang sawisé
Injong