Wong Lom

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Wong Lom atawa suku Mapur atawa Sekak iku golongan ètnik asli kang manggon ing pulo Bangka, Provinsi Kapuloan Bangka-Belitung.[1][2] Wong Lom manggon ing dhusun Air Abik, dhusun Pejam,sakiwa-tengené kali Mapur, dhusun Gunung Muda, Kecamatan Belinyu, lan daérah Pejam, Kabupatén Bangka. Ngenani asal-usulé isih dipreluké panalitèn manèh amarga wong Lom ora duwé cathetan tulis bab sujarahé. Asal-usulé iku saka lègénda kang dituturaké kanthi lésan. Basa kang dituturaké déning wong Lom ya iku basa Lom. Basané iki kaya basa Sekak atawa Malayu Bangka. Basa iki ana dhialék-dhialéké ya iku Pejam, Maur, Air Abik, Belinyu, lan Gunung Muda. Ngenani sastra lésan, wong Lom duwé jinis sastra pantun, mantra, cerita rakyat, lan ungkapan.[2]

Wong Lom akéhé nyambut gawé minangka tani lan ingon kéwan. Agama ing suku iki akèh kang taksih ngandhel animisme atawa roh-roh leluhur, nanging ana  uga sing wis Islam atawa agama liyané[2].

Rujukan[besut | besut sumber]

  1. "Suku Lom". Indonesia. 
  2. a b c Evamarni (ed.) (2009). Sistem Kepercayaan Suku Bangsa Lom. Tanjungpinang: Departemen Kebudayaan dan Pariwisata, Balai Kajian SEjarah dan Aji Tradisional. ISBN 978-979-1281-05-8.