Menyang kontèn

Wong Badawi

Saka Wikipédia Jawa, bauwarna mardika basa Jawa
Sawijining bocah wédok Badawi ing Nuweiba - Mesir 2015
Kulawarga Badawi ing Sagara Wedhi Wahiba, Oman

Wong Badawi (cara Arab: بَدَوِي badawī) iku sawijining golongan étnis semi-nomadhik Arab, asalé saka kelompok nomadhik sing ing sujarahé ndunungi sagara wedhiné Arab lan Suriah. Jeneng kelompok kuwi artiné "wong sagara wedhi" ing basa Arab.[1] Wewengkoné nyrambahi sambané sagara wedhi ing Afrika Lor nganti wedhi krakalaning Wétan Tengah.[1] Kelompok iki adaté kapérang dadi suku-suku, utawa klan-klan (ing basa Arab diarani ʿashāʾir; عَشَائِر) lan nunggal budaya babagan angon unta lan wedhus.[1]

Para Badawi mbentuk pérangan, nanging ora padha karo, gantha modhèrené wong-wong Arab.[citation needed] Badawi uwis tau dirujuk minangka akèh jeneng saturut sujarah, kalebu Qedarites ing Prajanjian Lawas lan Arabaa déning wong-wong Suryani (ar-ba-a-a iku nisba saka nomina Arab, jeneng sing isih dinggo karo para Badawi tekan sapréné). Wong-wong iki dirujuk minangka para Araab (أعراب) ing Al-Qur'an.

Nalika akèh wong-wong Badawi ninggal tradhisi kasukuan lan nomadhiké lan ngalih menyang cara urip urban modhèren, wong-wong kuwi manggahi budaya Badawi tradhisional sing ganthané kagolong ʿašāʾir, musik tradhisional, geguritan, beksan (kaya Saas), lan praktèk budaya liyané. Wong Badawi urban uga ngadani karaméan budaya, lumrahé diadani kaping bola-bali sataun. Ing karaméan kuwi wong-wong Badawi ngumpul kanggo mèlu-mèlu lan nyinaoni tradhisi Badawi—saka maca geguritan lan beksan pedhang tradhisional, tekan kelas-kelas sing mulang ngrajut téndha mawa cara tradhisional lan mainaké piranti musik tradhisional. Tradhisi-tradhisi kaya nunggangi unta lan kémah ing sagara wedhi uga minangka kagiyatan sing asring dilakokaké kanggo ngisi wektu sela kanggoné wong badawi urban sing ndunungi wewengkon sacedhaké sagara wedhi utawa panunggalané.

Étimologi[besut | besut sumber]

Tembung Jawa "Badawi" purwané saka wujud jamaké tembung Arab badawī sing diucapaké nganggo dhialèk caturan. Istilah Arab badawī (بدوي) yèn dipertal menyang basa Arab kanthi barès[2] tegesé "wong nomadhik" utawa "panglembara". Tembung iku tumurun saka tembung bādiyah (بَادِية), sing tegesé "lebak" utawa "sagara wedhi".[3] Mula, istilah "Badawi" mangku teges "wong-wong ana ing bādiyah" utawa "wong-wong ana ing sagara wedhi".

Istilah "Badawi" uga nggunakaké wod sing padha kaya tembung nomina Arab "awal"; "بداية"; "Bedaya." Wong-wong Arab pitaya yèn para Badawi iku minangka leluriné wong-wong Arab,[notes 1] lan tembung jeneng ètnisé uga ayaké kaprabawani tembung Arab mau.[6]

Cathetan[besut | besut sumber]

  1. According to Hadith, Caliph Umar ibn al-Khattab said of the Bedouin, "[T]hey are the origin of the Arabs and the substance of Islam."[4][5]

Rujukan[besut | besut sumber]

  1. a b c "Libya". Dibukak ing 19 October 2015.
  2. "Google Translate". Dibukak ing 19 October 2015.
  3. Steven E. Sidebotham; Martin Hense; Hendrikje M. Nouwens (2008). The Red Land: The Illustrated Archaeology of Egypt's Eastern Desert. American Univ in Cairo Press. kc. 257. ISBN 978-977-416-094-3. Dibukak ing 1 November 2012.
  4. Sahih al-Bukhari, Vol. 4, p. 206.
  5. A. A. Duri. The Historical Formation of the Arab Nation (2012 edition). p. 114.
  6. "OneWorld Magazine: Deserts". Diarsip saka sing asli ing 10 November 2000. Dibukak ing 19 October 2015.