Wingko babat

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Wingko
6. Wingko Babat 1.jpg
Wingko babat
Panggonan asal Indonesia
Tlatah utawa praja Jawa
Buku masakan: Wingko  Médhia: Wingko

Wingko utawi asring dipunsebat Wingko babat inggih punika dedhaharan tradhisional khas Indonesia[1]. Wingko punika jinising kuwe ingkang didamel saking krambil lan bahan-bahan sanèsipun. Wingko kaloka wonten ing pasisir lèr pulau Jawa|Jawa. Kuwe punika asring disade wonten stasiun, terminal utawi toko-toko kuwe[1]. Wonten ing pulau Jawa, wingko asring damel olèh-olèh kaluwargi, mila ndadosakèn kuwe punika kaloka[1].

Wingko limrahipun awujud bunder lan radi atos sarta biyasa dipunsajekakèn anget lan diiris alit-alit. Wingko saged disade bunder ageng utawi alit-alit lan dibungkus nganggé kertas[2]. Campuran gendis lan krambil ndadosaken rasanipun eca[2].

Wingko ingkang paling misuwur inggih punika wingko ingkang saking Semarang[2]. Punika njalari kathah tiyang ngira manawi wingko punika saking Semarang[3]. Mila makaten, sajatosipun wingko babat asalipun saking Babat, laladan alit ing Lamongan, Jawi wétan. Babat dumunung wonten ing caketing Bojonegoro, Jawa wétan[3].

Sapunika wingko punika dedhaharan kaloka ing Babat lan Semarang[4]. Wingko saged pinanggih wonten jalan Pandanaran, Stasiun Tawang, Stasiun Poncol lan pusat sadean Wingko Babat ing Jalan Cendrawasih[4]. Kathah wingko ingkang taksih ngginakakèn nami Tionghoa|Tionghoa[5]. Wingko babat wonten manéka warna rasa inggih punika coklat, durèn, nangka lan liya-liyanè[5].

Cathetan suku[besut | besut sumber]


Pranala njaba[besut | besut sumber]