Wingko babat

Saka Wikipédia Jawa, bauwarna bébas abasa Jawa
Wingko
Wingko Babat Semarang.JPG
Wingko babat
Informasi
Asal Indonesia
Dhaérah Jawa

Wingko utawi asring dipunsebat Wingko babat inggih punika dedhaharan tradisional khas Indonesia[1]. Wingko punika jinising kuwe ingkang didamel saking krambil lan bahan-bahan sanèsipun. Wingko terkenal wonten ing pasisir ler pulau Jawa|Jawa. Kuwe punika asring disade wonten stasiun, terminal utawi toko-toko kuwe[1]. Wonten ing pulau Jawa, wingko asring damel oleh-oleh kaluwargi, mila ndadosakèn kuwe punika terkenal[1].

Wingko biyasanipun awujud bunder lan radi atos sarta biyasa dipunsajekakèn anget lan diiris alit-alit. Wingko saged disade bunder ageng utawi alit-alit lan dibungkus nganggé kertas[2]. Campuran gendis lan krambil ndadosaken rasanipun eca[2].

Wingko ingkang paling misuwur inggih punika wingko ingkang saking Semarang[2]. Punika nyebabaken kathah tiyang ngira manawi wingko punika saking Semarang[3]. Mila makaten, sajatosipun wingko babat asalipun saking Babat, laladan alit ing Lamongan, Jawi wétan. Babat dumunung wonten ing caketing Bojonegoro, Jawa wétan[3].

Sapunika wingko punika dedhaharan terkenal ing Babat lan Semarang[4]. Wingko saged pinanggih wonten jalan Pandanaran, Stasiun Tawang, Stasiun Poncol lan pusat sadean Wingko Babat ing Jalan Cendrawasih[4]. Kathah wingko ingkang taksih ngginakakèn nami Tionghoa|Tionghoa[5]. Wingko babat wonten manéka warna rasa inggih punika coklat, durèn, nangka lan liya-liyanè[5].

Cathetan suku[besut | besut sumber]

Pranala njaba[besut | besut sumber]