William Brewster

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mayflower ing Plymouth Harbor déning William Halsall (1882)

William Brewster (1566 – 10 April, 1644) ya iku sawijining wong dhines saka Inggris sing panumpaking Mayflower ing taun 1620. Dhèwèke iku sawijining pangarep agama ing Éropah lan uga ing Koloni Plymouth. Dhèwèké uga salah sijiné wong sing nèken Mayflower Compact.[1]:46

William Brewster manggon ana ing Scrooby, Nottinghamshire, Inggris.[2]:1-5[3]

Brewster sinau ana ing Peterhouse, Cambridge. Cambridge ya iku sawijining pawiyatan luhur. Ing kana akèh wong-wong sing nduwé kekarepan kanggo ngganti Gréja Inggris. Wong-wong sing sarujuk marang pamikiran mau miwiti agama anyar. Wong-wong iki karan Separatis, lan ing Inggris, separatis bakal dikunjara.[1]:13,16–17

Brewster tau makarya tumrap William Davison ing Walanda. Davison dikunjara amarga dhèwèké uga mèlu Separatis.[4] Nalika Davison dikunjara, Brewster mulih sauntara menyang omahé ing Scrooby. Dhèwèké dadi tukang pos.[1]:18 Brewster miwiti gréja Separatis ing omahé, sing marakaké dhèwèké mlebu kunjara sawetara wektu ing taun 1607.[4] Brewster lan anggota gréja liyané sarujuk supaya pindhah menyang Walanda ing taun 1608, kanthi pangajab, wong-wong kuwi bisa ngibadah miturut aliran agamané.[4] Ninggalaké Inggris tanpa idin kuwi ilegal, saéngga wong-wong kuwi metu nagara kanthi ndhelik-ndhelik. Ing taun 1609, Brewster kepilih dadi pangarepé jemaat mau.[1]:18

Ing Leiden, Brewster mulang basa Inggris. Ing taun 1616 dhèwèké dadi juru cithak lan nyerat buku-buku agama. Brewster and Edward Winslow mbabar buklet agama ing taun 1619 sing slisih marang Ratu James I lan Gréja Inggris. Sang Ratu mréntahaké supaya Brewster dibekuk. Brewster nuli ndhelik[1]. Mesin cithaké disita karo Duta Inggris lan kancané Brewster dibekuk. Para jemaaté uwis sarujuk kanggo ninggal Leiden tumuju Donya Anyar. Nalika Brewster ndelik, anggota-anggota liyané nggantungaké rancana marang wong liya kaya ta John Carver lan Robert Cushman.[1]:19 Brewster kasil minggat lan kanthi pambiyantuné Cushman, dhèwèké lan Cushman bisa numpak kapal Mayflower karo  kanca-kancané.[1]:16–18 Bojoné lan anaké loro, Love lan Wrestling, uga dadi panumpang.[1]:25

Rujukan[besut | besut sumber]

  1. a b c d e f g Philbrick, Nathaniel (2006). Mayflower: A story of courage, community and war. New York: Viking.  Paramèter |Isbn= sing ora kawruhan dikiwakaké (disaranaké |isbn=) (pitulung)
  2. Merrick, Barbara Lambert (2000 3rd edition). William Brewster of the Mayflower and his descendants for four generations. General Society of Mayflower Descendants.  Priksa gandra date ing: |date= (pitulung)
  3. "A genealogical profile of William Brewster" (PDF). pdf.js. 2011. Dijupuk 14 June 2013. 
  4. a b c [./Gambar:Wikisource-logo.svg Wikisource-logo.svg] "William Brewster" in the 1911 Encyclopædia Britannica.