Wilhelm Conrad Rontgen

Saka Wikipédia Jawa, bauwarna bébas abasa Jawa
Wilhelm Conrad Rontgen

Wilhelm Conrad Rontgen ya iku penemu sinar X.[1] Sinar X ya iku sinar kang bisa nyorot barang kang tutupan, kaya ta balung kang ana ing jero daging.[1] Dhèwèké lair ing Lennep, Jerman, tanggal 27 Maret 1845.[1] Wong tuwané ya iku pengusaha sandhangan, lan Rotgen ya iku anak suji-sijiné.[1] Dhèwèké misuwur minangka pecinta alam lan petualang.[1] Dhèwèké sekolah ana ing Walanda.[1] Iki amarga kawit dhèwèké umur telung taun, wong tuwané pindah ana ing Apeldoorn, Walanda.[1] Ing kéné, dhèwèké sekolah asrama ing Institut Martinus Herman van Doorn.[1] Dhèwèké ora duwé prestasi apa-apa saliyané minangka nom-noman petualang.[1] Taun 1862, dhèwèké mlebu sekolah teknik ing Utrecht, Walanda, nanging dhèwèké ditokke amarga diarani nggambar karikatur gurune.[1] Kamangka dhèwèké ora tau nindakaké.[1] Telung taun candhaké dhèwèké kasil anggoné mlebu Universitas Utrecht lan nyinaoni fisika.[1] Nalika dhèwèké ngalih ana ing Swis lan mlebu ana ing Jurusan Rekayasa Mekanik Universitas Zurich, dhèwèké wiwit katon bisa ngwasani fisika.[1]

Ing Zurich, Rontgen dibimbing déning dosenen dhéwé ya iku Clausius lan nyambut gawé ana ing laboratorium Kundt.[2] Sawisé éntuk gelar Ph.D ing taun 1869, heweke dadi asisten Kundt.[2] Nalika taun 1874, dhèwèké lunga ana Prancis lan mulang ana ing Universitas Strasbougr.[1] Setaun candhaké dhèwèké dadi guru besar ing akademi Pertanian Hohenheim ing Wurrtenberg.[2] Taun 1876 dhèwèké bali ana ing Starsbourg lan ditunjuk minangka guru besar babagan fisika.[2] Telung taun candhaké dhèwèké ditawani dadi Ketua Jurusan Fisika ing Universitas Giessen.[2]

Taun 1895, dhèwèké nyinaoni fenomena arus listrik lumantar gas kang duwé tegangan cilik.[2] Iki minangka mula bukane dhèwèké nemu sinar X.[2] Rontgen tinggal donya nalika tanggal 19 Fèbruari 1923 amarga kanker usus.[2]

Cathetan suku[besut | besut sumber]

  1. ^ a b c d e f g h i j k l m n [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 265]
  2. ^ a b c d e f g h [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 270]