Wikipédia:Tutorial (Pranala situs kagandhèng)
 |
| Artikel iki bagéan saka Tutorial Wikipedia |
| Kaca tutorial... |
|
Kaca ngarep |
| Delengen uga... |
Wikipedia duwé situs kagandhèng kanggo topik-topik liya kang sifaté non-ensiklopedik.
Situs kagandhèng
[besut sumber]Wikipedia disayogakaké kanggo artikel-artikel ngenani bab kang dianggep ensiklopedik (bebarengan karo topik-topik liya kang umumé kapacak ing almanak utawa buku pinter.
Artikel kang cekak lan mung isi dhefinisi, frase cekak, kayadéné kang ana ing kamus, lan ora bisa dikembangaké manèh supaya dadi artikel kang ensiklopedik, kuduné dilebokaké jroning proyek Wikipedia kagandhèng yakuwi Wiktionary.
Teks kang arupa sumber asli, contoné undhang-undhang, bisa dilebokaké jroning proyek kagandhèng Wikipedia, Wikisource.
Kanggo daftar kabèh proyek kagandhèng Wikimedia, delengen Complete list of Wikimedia projects.
Cara ngubungaké menyang situs kagandhèng
[besut sumber]Upamané panjenengan nulis tembung kang ora umum jroning sawiji artikel, lan panjenengan nduga manawa wong kang maca tembung mau ora ngerti maknané, panjenengan bisa gawé pranala menyang artikel Wikipedia, nanging isi artikel mau kurang trep minangka artikel ing ensiklopedhi, hubungké waé menyang entri Wiktionary.
Tinimbang panjenengan nulis URL (alamat situs) kang jangkep, panjenengan luwih becik migunakaké pranala wiki kang mèmper karo pranala Wikipedia umumé nanging nganggo ater-ater khusus. Conto,
- [[wiktionary:omah]]
bakal tumuju menyang dhefinisi Wiktionary ing tembung "omah". Jroning artikel bakal katon kaya mangkéné:
Panjenengan bisa ndhelikaké bagéan tulisan "wiktionary:" kanthi nambahaké karakter "pipa" (garis vertikal):
- [[wiktionary:omah|omah]]
banjur kasilé bakal kaya mangkéné:
Saben proyek nduwèni sidhatan utawa dalan pintas kang béda-béda. Kanggo conto sabanjuré, delengen Cara ngubungaké menyang proyek Wikimedia.
Pranala lintas server
[besut sumber]Wektu iki panjenengan maca artikel Wikipedia versi basa Jawa. Nanging ana uga Wikipedia basa liyané kanthi artikel-artikel kang ditulis jroning bahasa liya. Kanggo ngubungaké Wikipedia Jawa menyang Wikipedia Basa Inggris, ketiken:
- [[:en:Bali]]
(Pesthèna nganggo tandha titik loro)
Bakal katon kaya mangkéné:
Samono uga, kanggo gawé pranala saka Wikipedia Basa Inggris menyang Wikipedia Jawa, ketik:
- [[:jv:Bali]]
bakal katon kaya mangkéné:
Kanggo daftar versi basa-basa kang dipigunakaké jroning Wikipedia sarta sidhatané, delengen: Complete Wikipedia list.
Èksperimèn
[besut sumber]Coba pigunakaké pranala ing kothak wedhi kaca iki.
Terusaké menyang topik bahasan tutorial sabanjuré.