Wewaton Sriwedari

Foto para anggota Kumisi 5 Golongan (Kumisi Alit). Setunggal kumisi ingkang dipunparingi padamelan déning Kumisi 10 Golongan (Kumisi Ageng) kagem nyusun paugeran panyeratan aksara Jawi.

Wewaton Sriwedari utawi jangkepipun Wawaton Panjeratipoen Temboeng Djawi mawi Sastra Djawi dalasan Angka (Wawaton Panyeratipun Tembung Jawi mawi Sastra Jawi dalasan Angka), inggih punika paugeran panyeratan aksara Jawi ingkang kaping satunggal dipundamel. Paugeran menika inggih punika asil padamelan saking kumisi dhapukan satunggaling kongrès lan dipunsahaken wonten Poetoesan Parepaton Koemisi Kasoesastran nalika taun 1922 wonten ing Sriwedari, Surakarta.

Salah satunggaling pangéwahan ingkang wigatos inggih punika pangirangan pangageman taling tarung tumrap ungel /o/. Tinimbang nyerat "Ronggawarsita" (wujud menika kathah dipunagem wonten naskah-naskah abad kaping 19), kanthi éjaan énggal panyeratan dados "Ranggawarsita", ngirangaken pangageman taling tarung.

Ugi pirsani

• Wikipedia:Wewaton Sriwedari
• Aksara Jawa

Pranala njawi

• Médhia magepokan Wewaton Sriwedari ing Wikimedia Commons
• Wawaton Panyeratipun Tembung Jawi mawi Sastra Jawi dalasan Angka ing Sastra.org