Wartortle
Wartortle (カメール Kameil?) inggih punika salah satunggaling karakter spésies Pokémon wonten ing seri dolanan lan waralaba Pokémon saking Jepang. Wartortle dipunsebut Kameil wonten ing basa Jepang, dipunkenal minangka Pokémon bulus, lan minangka evolusi saking spésies Pokémon Squirtle. Wonten ing dolanan video Pokémon, juru main saged pikantuk Wartortle sasampunipun Squirtle ingkang dipungadhahi dumugi ing level 16, lajeng Wartortle badhé evolusi dados Blastoise nalika dumugi ing level 36.
Brett Elston, editor situs GamesRadar, nandhingaken Wartortle kaliyan Ivysaur lan Charmeleon, lan deskripsikakenipun minangka Pokémon wujud pertengahan sadéréngipun dados Pokémon ingkang kiyat sanget.[1]
Désain lan karakteristik
[besut | besut sumber]Wartortle inggih punika salah satunggal saking 151 désain spésies Pokémon ingkang dipunrancang lan dipunkembangaken déning parusahan Game Freak kanggé konsol dolanan portabel saking Nintendo. Desainipun dipunpungkasaken déning Ken Sugimori lan dipundhérékaken wonten ing dolanan Pokémon génerasi kapisanan (1996) ingkang judhul Pocket Monster Red and Green, ingkang dipunlokalisasikaken ing njawi Jepang minangka Pokémon Red and Blue.[2][3] Sajatosipun karakter punika dipunsebut kanthi nama "Kameil" wonten ing basa Jepang, gabungan saking tembung kame (bulus) lan tēru (teil, buntut). Nalika produk waralaba Pokémon dipunekspor dhateng Dunia Barat, Nintendo mutusaken kanggé maringi nama ingkang "pinter lan deskriptif" dhateng manéka spésies Pokémon kanthi penampilan lan ciri ingkang kagambaraken, supados langkung gampil dipunkenal déning laré-laré Amérika.[4] Saking babagan punika wau nama Wartortle dipun-ginakaken, ingkang minangka portmanteau saking tembung warrior (pendekar), tortoise (bulus), lan turtle (penyu).
Miturut konsèp dolanan, Wartortle minangka evolusi saking Pokémon sanès, inggih punika Squirtle ingkang sampun dumugi ing level 16. Manawi karakter Wartortle terus dipunmainaken lan dumugi ing level 36, Wartortle bakal evolusi dados Blastoise. Boten kados Squirtle ingkang katingal langkung tenang, tampilan Wartortle katingal langkung sangar. Kajawi inggil lan bobotipun tambah, Wartortle gadhah kulis ingkang langkung peteng, mata ingkang sereng kanthi pupil ingkang langkung alit, lan gadhah kalih taring ingkang medal. Wonten ing cakangipun wonten goresan bekas paprangan, kasil saking paprangan ingkang sengaja dipunpadosi.[5] Wartortle ugi gadhah sapasang talingan mirib wulu, lan buntutipun dados langkung pethak, gempal, lan langkung dawa manawi dipunsingidaken ing thothokipun;[6] pérangan badan mau mbiyantu Wartortle nalika renang amargi dados dayung utawi sirip.[7] Buntutipun ugi minangka benda bernilai tinggi kanggé kolektor item, ingkang njalari kathah tiyang madosi Pokémon mau, damel cacahipun samsaya kirang. Alasan perburuan ilegal mau dipunsebabaken buntut Wartortle minangka lambang umur dawa wonten ing donya Pokémon, dipunanggap maringi umur dawa kanggé Pokémon mau sadangu ewunan taun.[8]
Cathetan suku
[besut | besut sumber]- ↑ Brett Elston. "The complete Pokemon RBY pokedex, part 1, Pokemon Diamond / Pearl DS Features". GamesRadar. kc. 8.
- ↑ Staff. "2. 一新されたポケモンの世界". Nintendo.com . Nintendo. kc. 2. Dibukak ing 2013-02-28.
- ↑ Stuart Bishop (2003-05-30). "Game Freak on Pokémon!". CVG. Diarsip saka sing asli ing 2013-10-19. Dibukak ing 2013-02-28.
- ↑ Chua-Euan, Howard (November 22, 1999). "PokéMania". TIME. Diarsip saka sing asli ing 2008-09-13. Dibukak ing 2013-02-28.
- ↑ Pokédex: The tail becomes increasingly deeper in color as Wartortle ages. The scratches on its shell are evidence of this Pokémon's toughness as a fighter. Game Freak (2013-02-28). Pokémon Ruby and Sapphire. Vol. Game Boy Advance. Nintendo.
- ↑ Pokédex: When trapped, this Pokémon will pull in its head, but its tail will still stick out a little bit. Game Freak (2013-02-28). Pokémon Yellow. Vol. Game Boy. Nintendo.
- ↑ Pokédex: It cleverly controls its furry ears and tail to maintain its balance while swimming. Game Freak (2013-02-28). Pokémon Silver. Vol. Game Boy. Nintendo.
- ↑ Pokédex: It is said to live 10,000 years. Game Freak (2013-02-28). Pokémon Diamond. Vol. Nintendo DS. Nintendo.