Wangsa Ptolemeus

Saka Wikipédia Jawa, bauwarna mardika basa Jawa

Wangsa Ptolemeus iku wangsa kanthi corak Yunani Kuno sing nguwasani Mesir kira-kira suwéné 305 SM-30 SM. Wangsa Ptolemeus diyasa déning salah sawijining jendral saka wadyabala Alexander Agung, Ptolemeus I. Amarga Alexander Agung ora duwé pawaris tahta, mila sawisé sédané ing taun 323 SM para jendral-jendralé mbagi-bagi tlatah kakuwasaan ing antarané jendral-jendral mau.

Ing taun 305 SM, sawisé nguwasani Mesir, Ptolemeus ngangkat awake dhéwé minangka Raja Ptolemeus I kanggo Mesir. Katurunané nguwasani Mesir nganti tiba ing tanganné bangsa Romawi taun 30M déning Kaisar Agustus (Oktavianus).

Salah sawijining katurunan Ptolemeus sing misuwur ya iku Cleopatra VII, sang ratu pungkasan sadurungé Mesir tiba ing tanganné bangsa Romawi.