VGA

Saka Wikipédia Jawa, bauwarna mardika basa Jawa

VGA, cekakan saka Video Graphics Adapter, iku baku tampilan komputer analog sing dipasaraké sepisanan déning IBM ing taun 1987. Sanadyan baku VGA wis ora dianggo manèh amarga wis diganti nganggo baku sing luwih anyar, nanging VGA isih diimplementasèkaké sajeroning Pocket PC. VGA minangka baku grafis pungkasan sing diiloni déning mayoritas pabrik sing gawé kartu grafis komputer. Tampilan Windows nganti saiki isih migunakaké modus VGA amarga dijurung déning akèh prodhusèn monitor lan kartu grafis.

Istilah VGA uga kerep dipigunakaké kanggo ngacu marang résolusi layar mawa ukuran 640×480, apa waé prangkat kasar kartu grafisé. Kartu VGA migunani kanggo nerjemahaké wetonan komputer menyang monitor. Kanggo prosès desain grafis utawa dolanan vidéo, diperlokaké kartu grafis kanthi daya dhuwur. Prodhusèn kartu grafis sing misuwur antarané ATI lan nVidia.

Saliyané iku, VGA uga bisa ngacu marang konèktor VGA 15-pin