Undhangan
Undangan utawa ulem-ulem ya iku layang kang awèh weruh supaya teka ana ing upacara adat, pawiwahan, supitan, lan sapanunggalane. Lumrahe undangan utawa ulem iku nganggo basa kang ringkes lan cetha. déné cengkorongane kang padatan kaya mangkene:
- Irah-irahan Undangan (Kepala surat)
- Salam Pambuka
- Pamuji marang Gusti Kang Mahaasih
- Isi Undangan (Surasane Undangan)
a. Acara. b. Dina. c. Tanggal. d. Jam. e. Papan.
- Pangarep-arep
- Salam Panutup
- Papan lan Tanggal Undangan
- Asmane kang Ngundang
Cengkorongan kaya ing dhuwur iku mung salah sijiné conto. Jaman saiki wujud undangan utawa ulem iku warna-waarna. Cengkorongane uga warna-warna, nanging tetep kasesuaiake karo jinisé undangan. Umpamane, undangan pawiwahan iku mesti béda karo undangan rapat. Basa kang kagunakake ugabbeda-béda. Kanggo upacara adat, pawiwahan, utawa supitan lumrahe gunakake basa krama, déné kanggo mengeti ulang taun nggunakakebasa ngoko. Layang ulem nganggo basa ngoko iku racaké kagunakake déning para mudha. Bisa kasimpulake yèn acara iku resmi layang uleme nganggo basa krama, yèn acara ora resmi nganggo basa ngoko.
[1].
Cathetan suku[besut | besut sumber]
- ↑ Kodhe basa ora trep. Yatmana, Sudi dkk. Kabèh Seneng Basa Jawa 2 SMA Kelas XI. ISBN 979-746-455-5. Yudhistira.Jakarta. (2005:80)