Transpor aktif

Saka Wikipédia Jawa, bauwarna bébas abasa Jawa
Pompa natrium-kalium ya iku tuladha transpor aktif.

Transpor aktif ya iku gerakan utawa pamindhahan kang nggunakake energi kanggo ngetokake lan nglebokake ion –ion lan molekul lumantar membran sel kang asipat permeabel kanthi ancas njaga keseimbangan molekul cilik ing jero sel. [1] [2] Transpor aktif didayani déning muatan listrik ing jero lan ing jaba sel, lan muatan listrik iki ditemtokake déning ion natrium (Na+), ion kalium (K+), lan ion klorin (Cl-).[1] Mlebu metune ion Na+ lan K+ diatur déning pompa natrium-kalium.[1] Transpor aktif bisa mandheg yen sel diademake, ngalami keracunan, utawa kentékan energi.[2]

Transpor aktif mbutuhake molekul pangangkut arupa protein integral ing membran, lan ing molekul iki ana situs pangiketan.[1] Proses transport aktif diwiwiti kanthi njupuk telung ion Na+ saka jero sel lan manggoni situs pangikatan ing protein integral.[1] Energi diperlokake kanggo ngowahi bentuk protein integral ing membran kang sadurunge menga ing arah jero sel dadi menga ing jaba sel.[1] Banjur ion Na+ pedhot saka situs pangiketan lan metu saka protein integral anuju jaba sel.[1] Banjur saka jaba sel, loro ion K+ manggoni situs pangikatan ing protein integral.[1] Bentuk protein integral owah, saka sadurunge menga ing arah jaba dadi menga ing arah jero sel lan ion kalium diuculake ing jaba sel.[1]

Delengen uga[besut | besut sumber]

Cathetan suku[besut | besut sumber]

  1. ^ a b c d e f g h i Karmana O. 2008. Biologi. Indonesia: Grafindo Media Pratama. Hal 22. ISBN 978-979-758-583-9.
  2. ^ a b Setiowati T, Furqonita D. 2007. Biologi Interaktif. Jakarta: Azka Press. Hal 20. ISBN 979-1211-25-6.


Sumber artikel punika saking kaca situs web: "https://jv.wikipedia.org/w/index.php?title=Transpor_aktif&oldid=988637"