Toyohiko Kagawa

Saka Wikipédia Jawa, bauwarna bébas abasa Jawa
Toyohiko Kagawa
KAGAWA Toyohiko young.JPG
Lair 10 Juli 1888
Kobe, Jepang
Pati 23 April 1960
Bangsa Jepang
Pakaryan Reformator sosial, aktivis pardamaian, aktivis buruh, pengabar Injil, panyerat

Toyohiko Kagawa inggih punika satunggalipun tokoh agami Kristen ing nagari Jepang ingkang gadhah perhatian ingkang ageng tumrapipun swasana sosial ing wekdal gesangipun.[1][2] Wiwit taun 1909, Kagawa mutusaken badhé manggèn sesarengan kaliyan tiyang ingkang mlarat ing satunggalipun tlatah ingkang namanipun Shinkawa.[1][2] Kagawa manggèn ing gubug dharurat kanthi ukuran 2x2 méter.[2] Kagawa lajeng nampung tiyang mlarat cacah sekawan sanèsipun ing gubug kasebat lan mbiyayeni pagesangan tiyang punika kanthi beasiswa ingkang panjenenganipun angsal saking pamaréntah kanggé studinipun Kagawa.[2] Sanajan gesang kanthi kangelan ing bab ekonominipun, Kagawa tetep nglajengaken studi teologinipun.[2]

Salah satunggalipun jasa Kagawa dhateng pamaréntah inggih punika ing bab mbudidaya ngicalaken kamlaratan.[2] Kagawa sampun neliti kanthi èlmiah sabab-sabab kamlaratan, akibat-akibatipun, lan cara ngicalaken kamlaratan.[2] Asil panaliten kasebat dipunserat ing buku kanthi irah-irahan "Ilmu Jiwa babagan Kamlaratan" (The Psychology of Poverty).[1][2] Buku kasebat saged narik kawigaten pamaréntah Jepang saéngga pamaréntah tansah mbudidaya ngicalaken tlatah-tlatah papan panggènipun tiyang mlarat, ingkang ugi gadhah nama slum, lan nggantos tlatah kasebat kanthi griya-griya ingkang mirah.[2]

Cathetan suku[besut | besut sumber]

  1. ^ a b c [Kudo Eiichi. 2001. "Kagawa, Toyohiko". In A Dictionary of Asian Christianity. Scott W. Sunquist, ed. 430-431. Grand Rapids, Michigan: William B. Eerdmans.]
  2. ^ a b c d e f g h i [F.D. Wellem. 1987. Riwayat Hidup Singkat Tokoh-Tokoh dalam Sajarah Gréja. Jakarta: BPK Gunung Mulia. kaca 152-154.]

Pranala njawi[besut | besut sumber]