The Great Gatsby (filem 2013)

Saka Wikipédia Jawa, bauwarna mardika basa Jawa

The Great Gatsby iku filem drama romantik épik Australi-Amérika dhedhasar novèl F. Scott Fitzgerald taun 1925 kang nunggal jeneng. Filem iki ditulis lan disutradarai déning Baz Luhrmann, lan dibintangi Leonardo DiCaprio minangka pameraga utama Jay Gatsby, bareng-bareng karo Tobey Maguire, Carey Mulligan, Joel Edgerton, lan Elizabeth Debicki ing pameraga penyangga.[1] Produksi filem iki diwiwiti ing taun 2011 lan njupuk latar ing Australia, uga nganggaraké dhuwit produksi 105 juta dolar Autrali. Filem iki nyeritakaké babagan uripé milionér Jay Gatsby lan tanggané, Nick (Maguire), kang nyeritakaké pranggulané marang Jay Gatsby ing Raoring Twenties (puncak abad 20an). The Great Gatsby saknyatané dikarepaké gebyag ing wulan Desembe tanggal 25, taun 2012, nanging amarga nanging alangan, filem iki digebyagaké ing wulan Mèi, tanggal 10, taun 2013. Filem iki uga dibabar ing kwalitas 3D.

Tanggepan marang filem iki akèh kang sléwah, ana kang ngalem uga ana kang ngitik ing babagan pameraga, lagu latar, bab visual filem lan arahaning filem. Résponing penonton akèh-akéhé positif,[2] lan uga cucuné F. Scott Fitzgerald nyatakaké yèn dhèwèké uga seneng marang filem iki, "Scott mesthi bangga".[3] Ing taun 2016, filem iki dadi filem Baz Luhrmann kang paling dhuwur brutoné, ngasilké 350 juta dolar Australia punjul sadonya.[4] Ing 86th Academy Awards, filem iki nganugrahaeni: Best Production Design (Desain Produksi Paling Apik) lan Best Costume Design (Desain Kostum Paling Apik).

Réferènsi[besut | besut sumber]