Teoréma Pungkasan Fermat

Teorema Pungkasan Fermat iku téoréma paling misuwur ing jagad matematika lan dicetusaké déning Pierre de Fermat ing abad kaping-17. Téoréma iki uniné:

kanggo n > 2, ora ana angka wutuh (basa Indonésia: bilangan bulat) dudu nol x, y, lan z sing nyocogi ing pepadhan (basa Indonésia:memenuhi persamaan) $x^{n}+y^{n}=z^{n}$

Fermat ngeklim wis nemu bukti saka téyori mau, mung waé ora bisa nulisaké amarga pinggiran kaca bukuné ora amot manèh. Nanging, sajeroning 357 taun sabanjuré, para matematikawan donya ora bisa mbuktèkaké, lan téoréma iki dadi salah siji teka-teki gedhé dhéwé ing jagad matematika. Pungkasané, ing taun 1994, matematikawan Inggris-Amérika Andrew Wiles kasil mbuktèkaké téyori iki.