Swasti Sabdastantri
Swasti Sabdastantri ana ing masarakat kondhang karo jeneng Chua, dhèwèké iku bassist ana ing grup musik kondhang ing Indonesia, Kotak, Chua lair ing Ujung Pandang, 3 April 1988.[1] Chua wis kenal lan seneng karo donya musik awit iseh sinau ing bangku SMP ing Makassar.[1] Babagan apa kang gawé dhèwèké seneng karo musik amarga kakangé kang wis ndhisiki nggarap karya ing donyané para musisi.[1] Chua akiré pindah menyang Surabaya lan tampil ing televisi lokal lan kafe-kafe ing kana.[1]
Chua iku bassist grup musik Kotak kaping telu, sawisé Prinzes 'Icez' Amanda kang tau dadi personil ing grup musik The Rock Indonesia (T.R.I.A.D) lan Nissa Hamzah, kang dadi personil ing grup musik Omelette.[1]
Dhèwèké ayu lan pinter anggoné mbetot bass nggawé grup musik Kotak tambah béda lan gawé warna ing grup musik mau, dhèwèké iku uga salah sijiné magnet fans kanggo grup musik mau.[1]
Chua nyenengké kanggo para manajer ing band kang jenengé V-Mail (kang salah sawijining personilé iku Mitha The Virgin) nalika dhèwèké tampil bebarengan ing band kampusé.[1] Chua tau nggabung karo V-Mail sadurungé mèlu manajemen Kotak, dhèwèké dijaluk nggabung ing grup musik Kotak nalika lagi nggarap album kang kaping loro.[1]
Ing taun 2011, grup musik kang digarap déning dhèwèké lan kanca-kancané olèh kapercayan kanggo nembangaké tembangan sountrack filem kang judhulé Tendangan Dari Langit arahan saka sutradara Hanung Bramantyo.[2] Syuting kanggo vidio klip mau dilakoni awit tanggal 31 Juli.[2] Tempat syutingé ning Stadion Gelora Bung Karno, Senayan, Jakarta Pusat.[2]
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |