Sirkuit Paul Ricard

Saka Wikipédia Jawa, bauwarna mardika basa Jawa
Sirkuit Paul Richard

Cithakan:Motorsport venue

Sirkuit Paul Ricard inggih punika lintasan balap otomotif ingkang dipunyasa ing Le Castellet, caket Marseille, Perancis, taun 1969 kanthi pendanaan saking raja minuman keras èksèntrik Paul Ricard, ingkang nyiptakaken unjukan ingkang nama Pernod Ricard. Ricard yasa kanthi tantangan babagan penggambaran kados yasa sawijining margi bébas hambatan.

Kanthi fasilitas inovatif lintasan punika dipunsebut minangka sirkuit paling aman ing donya nalika punika. Sirkuit punika gadhah 3 kemungkinan lintasan, sawijining taman indhustri raksasa, lan sawijining landasan pacu. Kanthi kombinasi ingkang trep kaliyan cuaca ingkang mesthi apik ing Perancis Selatan, lan landasan pacu, lintasan punika populèr sanget kanggé uji coba mangsa dingin.

Lintasan sajataosipun dipundominasi kanthi Mistral Straight sadawaning satunggal mil ingkang dipundhèrèki kanthi tikungan kecepatan inggil Signes.

Sirkuit punika dipunbikak taun 1970 kanthi balap mobil 2 liter. Wonten ing dékade 1970an lan 1980an lintasan punika ngasilaken sapérangan pembalap paling paik Perancis wonten ing masanipun, lan sapérangan wekdal ngawontenaken Grand Prix Formula Satu Perancis wonten ing katha kesempatan, kanthi event kapisanan wonten ing taun 1971.

Sasampuning Ricard séda, sirkuit punika dipunsadé dhateng Excelis, sawijining parusahan kagunganipun promotor formula 1 Bernie Ecclestone, taun 1999. Wiwit wekdal punika sirkuit punika dipunyasa malih minangka sirkuit test masa ngajenng. Wekdal punika sirkuit punika dipunsebut minangka Paul Ricard High Tech Test Track (Paul Ricard HTTT).

Lintasan[besut | besut sumber]

Lintasan punika gadhah jalur lurus dawa Mistral (1.8 km) lan desain lintasan kas. Lintasan punika ugi boten umum amargi dipunyasa ing plato, lan rata sanget. Dawaning lintasan penuh inggih punika 3.610 mil (5.8 km). Wonten ing taun 1986 lintasan dipunmodifikasi kanthi ngirangi jarakipun. Lintasan ingkang langkung cekak punika dipunkenal minangka GP short circuit kanthi dawa 2.369 mil (3.8 km). Lintasan punika maringi 179 kemungkinan lintasan kanthi konfigurasi dawa wiwit 826 dumugi 5,861 mèter[1]. Amarggi punika kathah tim migunakaken sirkuit punika saperlu ngawontenaken uji coba.

Lintasan kondhang kanthi runoff area kanthi motif garis biru cemeng ingkang dipunkenal minangka zona biru, ingkang dipun-ginakaken kanggé nggantosaken jebakan pasir ing sirkuit sanès. lumah jalur punika ksusun saking campuran aspal lan tungsten.[2] Manawi pérangan punika boten sageg mandhegaken kendaraan, wonten ugi zona merah, ingkang langkung abrasif, ingkang damel kendaraan kedah mlebet pit manawi kaléwat dhateng zona mau saperlu gantos ban. Kajawi punika kanggé pager pembatas gantosing pager ban, dipun-ginakaken Tecpro barrier.[2]

Cathetan suku[besut | besut sumber]

  1. Tracks and facilities Archived 2012-03-01 at the Wayback Machine. - Official website
  2. a b Paul Ricard High Tech Test Track, The Marshal: Incorporating Rescue & Resuscitation, April 2007 (Issue 21)

Pranala njaba[besut | besut sumber]

Cithakan:Formula One circuits