Sedyatmo

Ir. Sedyatmo yaiku salah sawijining insinyur bumiputera kang nduwèni prèstasi fènomènal ing bidhang tèknik. Dhèwèké nemokaké sistem pondhasi "cèkèr pitik" ing taun 1962. Panemuné iku dadi solusi kang praktis kanggo jagad tèknik sipil saèngga bisa ditrapaké ing bidhang liyané.

Sistem kang ditemokaké dening Sedyatmo wiwitané digunakaké kanggo pambangunan apron Pelabuan Udara Angkatan Laut Juanda, Surabaya, lelandhesan bandara Polonia, Medan lan Soekarno-Hatta, Jakarta, mligi kanggo taxiway lan apron. Panemuné wis dipatènké supaya kayoman hak ciptané. Saliyané iku, asil panemuné Sedyatmo uga dikanggokaké ing negara manca kayata, Kanadha, Amèrika Serikat, Inggris, lan sapèrangan negara liyané.

Riwayat

R.M. Sedyatmo diwadani "Si Kancil" amarga akèh akalé. Priyayi iki lair ing Karanganyar, Jawa Tengah, 1909. Sawisé sekolah ing Technische Hogescholl (THS), Bandung, ing taun 1934, Sedyatmo mergawé minangka insinyur pangrancang ing sapèrangan instansi pamréntah. Kasenengané ngothak-athik barang ndadèkaké "utek kancil" iki nduwéni karya - karya kang fènomènal.

Kanthi jasané, profèsor kang surud ing taun 1984 ing yuswa 75 taun iku pikantuk Bintang Mahaputra Klas I saka pamréntah RI.