Sakdani

Saka Wikipédia Jawa, bauwarna mardika basa Jawa

Sakdani utawa jeneng dawane N. Sakdani Darmopamudjo (lair ing Surakarta, 3 Maret 1939) yaiku sastrawan kang ngripta buku-buku ing Basa Jawa lan Basa Indonésia[1]. Dhéwéké lair saking pasangan R. Sakirun Darmopamudjo lan Turiah. Sakdani tumbuh ing lingkungan budaya Jawa lan agamane Islam.

Pawiyatan[besut | besut sumber]

Sakdani miwiti pawiyataning SR Harjodipuran 52, Surakarta, lulus ing taun 1952. Sakwisé lulus, Sakdani ndhaptar ing salah sijining Pawiyatan Guru, yaiku Kursus Pengajar untuk Kursus Pengantar Kewajiban Belajar (KPKPKB, sabanjure owah kanthi jeneng SGB). Ananging, saklanjuté dhéwéké pindah dhateng SGB Sukoharjo, lan lulus ing taun 1957. Sakdani ngelanjutke sinau ing SMA C/SMU nganti lulus taun 1964, lan dilanjutke kuliah ing AAN kanthi enthuk gelar sarjana ing taun 1967.

Karya[besut | besut sumber]

Karya ing pisanan diripta dening Sakdani awujud guritan, antaranipun "Kidung Asih", "Agustus", Wengi Mangsa Panen", lan "Ngadirah". Guritan kang wis diamot ing antologi anatrane "Cokekan" , "Sawitri", "Gotong Royong", lan "Kasatan". Anadene karya Sakdani kang awujud Cerkak, antarane "Kanggo Bumi Kinasih" lan "Temanten ing Akerat Nganggo Pupus Cinde". Kajaba iku kabèh, Sakdani uga nyerat novél antarane "Kanggo Bumi Kinasih" lan "Nyilemi Samodra Tresna".

Pranala[besut | besut sumber]

  1. Prabowo, Dhanu Priyo; Widati, Sri; Rahayu, Prapti (2015). Ensiklopedi Sastra Jawa. Yogyakarta: Balai Bahasa Yogyakarta. kc. 371–373. ISBN 9789791852357.