Randai

Saka Wikipédia, bauwarna bébas basa Jawa
Persembahan Randai ing Padang Panjang
Persembahan video Randai

Randai inggih punika satunggalipun seni téater ètnik Minangkabau ingkang nggabungaken manèka warni kasenian, kados musik, tarian, drama, lagu, lan pencak silat.[1] Limrahipun kasenian Randai dipungelar nalika wonten adicara upacara adat utawi sukuran.[1] Kasenian punika saged dipungelar ing pinten-pinten dinten gumantung kaliyan carita nipun.[1] Randai dipungelar minangka téater ing satunggalipun bundheran amrih supados wonten raos manunggalipun peserta Randai lan pamiyarsanipun.[2] Kasenian Randai kalebet gabungan tari, seni bela dhiri, tarian rakyat, nyanyian utawi lagu, lan lakon utawi carita ingkang dipungelar.[1] Crita dipungelar kanthi lakon lan nyanyian lan kathahipun kanthi adhédhasar legénda lan carita rakyat Minangkabau.[1] Wonten lakon carita ingkang dipungelar kados carita Cindua Mato, Malin Deman, Anggun Nan Tongga, lan carita sanèsipun.[1] Kasenian Randai nggadhahi mangfaat minangka hiburan kanggé masyarakat.[1]

Randai asalipun saking abad kaping 20, asil gabungan seni bela dhiri Minangkabau, carita, lan tradisi pagelaran sanèsipun.[3] Tiyang jaler rumiyin limrahipun maragakaken paraga dhobel (paraga jaler lan èstri), ananging wiwit taun 1960-an tiyang èstri ugi sampun saged ndhérék pagelaran kasenian punika.[1]

Pranala Njawi[besut | besut sumber]

Cathetan Suku[besut | besut sumber]

  1. ^ a b c d e f g h (en)[Pauka, Kirstin. 1998. The Daughters Take Over? Female Performers in Randai Theatre. Journal:The Drama Review; volume=42; issue=1; kaca 113–121; doi=10.1162/105420498760308706]
  2. ^ (en)[Pauka, Kirstin. 2003. Umbuik Mudo and the Magic Flute: A Randai Dance-Drama. Journal:Asian Theatre Journal; volume=20; issue=2]
  3. ^ (en)[Cohen, Matthew Isaac. 2003. Look at the Clouds: Migration and West Sumatran ‘Popular’ Theatre. Journal:New Theatre Quarterly; volume:19; issue:3; kaca:214–229; doi=10.1017/S0266464X03000125]


Sumber artikel punika saking kaca situs web: "https://jv.wikipedia.org/w/index.php?title=Randai&oldid=980552"