Poliamin

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Poliamin ya iku kation polivalen kang ngandhut rong gugus amino utawa luwih, kalebu asem amino lisin lan arginin.[1] Ing antarané poliamin kang paling akèh cacahé lan paling gaktif kanthi fisiologis ya iku putresin (NH2(CH2)4NH2), kadaverin (NH2(CH2)5NH2), spremidin (NH2(CH2)3NH(CH2)4NH2), lan [[spremin (NH2(CH2)3NH(CH2)4NH(CH2)3NH2).[1] Senyawa iki duwé wujud bébas utawa tumemplek ing senyawa fenol kaya gugus kumaril lan gugus kafeoil.[1]

Béda karo hormon kang kerep ana ing konsèntrasi mikromol, poliamin kerep ana ing konsetrasi milimol.[1] Pirang-pirang efek fisiologise ing antarané: nyepetake panyigaran sel, mentepake membran sel, mantepake protoplas (sel tuwuhan kang wis ora duwé dinding sel),nyepetake perkembangan pirang-pirang woh-wohan, nyilikake gangguan akibat kurang banyu ing pirang-pirang macam sel, sarta nyegah rikat tuwa ing godhong kang dipetik.[2]

Gugus amino poliamin kang duwé momotan positif nyebabake poliamin bisa nggabung karo gugus fosfat kang duwé momotan négatif DNA lan RNA ing inti lan ribosom.[1] Akibat panggabungan iki, poliamin kerep ningkatake transkripsi DNA lan translasi RNA ing sel tuwuhan lan sel kéwan.[1]

Uga delengen[besut | besut sumber]

Cathetan suku[besut | besut sumber]

  1. a b c d e f Salisbury FB, Ross CW. 1995. Fisiologi Tumbuhan, jilid 3. pertalan Lukman DR, Sumaryono. Bandung: Penerbit ITB. Hal:86 ISBN 979-8591-37-2
  2. Evans ML, Malmberg RL. 1989. Do poyamines have roles in plant development?. Annual Rev of Plant Physiol and Plant Mol Biol 40:235-269.