Patricia Caplan
Patricia Caplan ya iku ahli antropologi wanita saka Cheshire, Karajan Manunggal, kalairan tanggal 13 Maret 1942[1]. Patricia naté olèh pandhidhikan ing School of African and Oriental Studies, London taun 1963, 1965, lan 1968. Ing pawiyatan luhur iku, dhèwèké olèh gelar BA, MA, lan Ph.D[1][2]. Panlitian lapangan antropologis kang wis dilakoni déning Patricia ya iku ing Tanzania (1965), Népal (1968), India kidul (1974), London (1992), lan Wales kidul (1994)[1][2]. Saka panlitiané iku dhèwèké nulis karya-karya akademis kayadéné The Cultural Construction of Sexuality (1987) minangka éditor, African Voices, African Lives: Personal Narratives from a Swahili Village (1997), lan Food, Health and Identity (1997) minangka éditor. Patricia nuduhaké komitmené ing antropologi klasik, pulitik an èpistémologi ing disiplin ngèlmu[1]. Patricia naté dadi ketua ing Anthropologists against Ethnic Violence taun 1990an lan Association of Social Anthropologists of the UK and Commonwealth (basa Jawa: Paguyuban Antropolog Karajan Manunggal lan Kesemakmuran) awit taun 1997–2001[2]
Rujukan
[besut | besut sumber]- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 116–117. ISBN 020364459X. OCLC 436848672.
- ↑ a b c "Professor Pat Caplan MA PhD". Goldsmiths, University of London (ing basa Inggris). Dibukak ing 2017-12-22.