Pasisir Wedhiamba
Pasisir Wedhiamba ya iku pasisir kang ana ing Désa Jepitu, Girisuba, Gunungkidul[1][2] ing sawétané Pasisir Siung, watara 80 km saka kutha Ngayogyakarta. Wujud teluk kang kinupengan pagunungan watu karang lan pasiré putih. Ing tengah banyu, watu karang katon methungul. Papan iku uga kanggo ulah selancar. Dhuwuré ombak bisa nganti 3-4 mèter, kepara bisa luwih manèh menawa pinuju banyu pasang. Pasisir Wedhiamba madhep mangulon lan nalika srengéngé pinuju ing sisih kidul (sasi Novèmber-Mèi), saka pasisir iki bisa nyawang srengéngé surup ing wektu soré.[3] Saliyané kena kanggo ulah selancar, ing Wedhiamba uga ana kolam alami kanthi banyu kang tanpa ombak. Uga ana papan kang kena kanggo snorkeling. Wedhiamba kalebu salah siji saka 13 géosite ing Gunung Sèwu UNESCO Global Geopark.[4]
Rujukan[besut | besut sumber]
- ↑ "Wow… Ada 69 Pantai di Gunungkidul Jogja". Jogja Istimewa (ing basa Inggris Amérika Sarékat). 2014-12-24. Dibukak ing 2018-02-01.
- ↑ "Daftar 70 Wisata Pantai di Gunungkidul Yogyakarta".
- ↑ "10 Spot Foto Keren di Pantai Wediombo Gunung Kidul yang Hits 2017". Eksotisjogja.com (ing basa Indonesia). 2016-08-06. Diarsip saka sing asli ing 2017-07-06. Dibukak ing 2018-02-05.
- ↑ Media, Kompas Cyber. "Pantai Wediombo, Pantai Surga Selancar di Yogyakarta - Kompas.com". KOMPAS.com (ing basa Inggris). Dibukak ing 2018-02-06.