Pasar Papringan Ngadiprono

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Pasar Papringan Ngadiprono utawi Pasar Papringan nggih punika pasar tradhisional ingkang dumunung wonten ing Dusun Ngadiprono, Desa Ngadimulyo, Kecamatan Kedu, Kabupaten Temanggung, Jawa Tengah. Pasar ingkang dipunpandégani déning Singgih Susilo Kartono[1] punika namung dipungelar ing dinten Minggu Wage lan Minggu Pon kemawon, wiwit tabuh 06:00 enjang dumugi 12:00 WIB saben wulanipun. Pasar punika dipungelar ing sangandhapipun dapur pring. Wondéné menawi badhé tumbas, para panumbas kedah ngginaaken arta saking pring. Ing mriku namung nyawisaken jajan pasar kemawon. Sinaosa namung dipungelar ing dinten pasaran kalih punika, kathah pelancong ingkang sam ngrawuhi, kepara kadhang kala wonten saking njawi Temanggung saperlu plesiran, jalaran papan panggènanipun asri.[2][3][4][5][6] Taun 2019, awit saking Pasar Papringan Ngadiprono, Singgih Kartono pikantuk bebungah saking Kick Andy Hero's.

Arta saking pring[besut | besut sumber]

Kagem para pelancong ingkang badhé tindak dhumateng Pasar Papringan Ngadipiro, saking kutha Kota Temanggung saget miyos Kecamatan Kedu. Sasampunipun dugi Pasar Kedu menggok tengen, lajeng mlampah kemawon wonten mergi punika dumugi papan panggenanipun, amargi sampun kapasang papan papan pancer. Saking parkiran, para pelancong saget mlampah-mlampah, mirsani kampung, lajeng ing mriku wonten kori mlebet Pasar Papringan. Ingkang kedah dipunwigatosaken, para pamundhut kedah nglambangaken arta rupiah kaliyan arta saking pring. Wondéné setunggal arto pring dipunregani Rp 2.000.

Jajanan[besut | besut sumber]

  • gethuk gulung
  • klenyem
  • bakwan jendal
  • puthu mayang
  • ketan bakar
  • persikan
  • toklo
  • gathot
  • tiwul
  • bandos
  • jenang koro
  • mendut
  • nagasari
  • sega abang
  • sega jagung
  • jenang
  • jali
  • apem pasung
  • kroket kentang
  • soto
  • bubur

Pirsani ugi[besut | besut sumber]

Rujukan[besut | besut sumber]

  1. "Singgih Kartono, penggagas Pasar Papringan, Jawa Tengah". Treehoze. Dijupuk 15 Maret 2019.  Priksa gandra date ing: |access-date= (pitulung)
  2. "Viral dari Temanggung, Pasar Ini Ada di Kerimbunan Kebun Bambu". Detik. Dijupuk 12 Maret 2019.  Priksa gandra date ing: |access-date= (pitulung)
  3. "Pasar "Bambu" Papringan Kini Diburu Wisatawan". Travel Kompas. Dijupuk 12 Maret 2019.  Priksa gandra date ing: |access-date= (pitulung)
  4. "Menikmati Kuliner Tempoe Doloe di Pasar Papringan, Temanggung". Travel Tempo. Dijupuk 12 Maret 2019.  Priksa gandra date ing: |access-date= (pitulung)
  5. "Kuliner Unik Pasar Papringan Temanggung, Wedang Pring Hingga Ndas Borok". Jogja Tribun News. Dijupuk 12 Maret 2019.  Priksa gandra date ing: |access-date= (pitulung)
  6. "Potret Pasar Unik di Temanggung yang Rimbun Bambu". Detik. Dijupuk 14 Maret 2019.  Priksa gandra date ing: |access-date= (pitulung)