Pandhémi koronavirus 2019 ing Malaysia

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian


Pandhémi koronavirus 2019 ing Malaysia
Malaysia COVID 19 cases by states.png
Kar sumebaré kasus COVID-19 kang kacathet miturut swapraja
COVID-19 Outbreak Cases in Malaysia (Density and Districts).svg
Kar sumebaré kasus COVID-19 kang kacathet miturut dhistrik (kutha)
COVID-19 outbreak Malaysia per capita cases map.svg
Kar padeté COVID-19 kang kacathet miturut swapraja
LaraCOVID-19
Turunan VirusSARS-CoV-2
KapernahMalaysia
Kadadéan kapisanSungai Buloh, Selangor
Surya wiwitan25 Januari 2020
(5 months, 2 weeks and 2 days)
SumberWuhan, Hubei, Cina
Kadaéan kang kacathet8.329[1]
Kadéan kang aktif1.518[1]
Mari6,694[1]
Mati
117[1]
Sana kang resmi
covid-19.moh.gov.my

Pandhémi koronavirus 2019 ing Malaysia kacathet kapisan ing surya 25 Januari 2020, kang ditandang déning telung wong kang warga negara Cina. Kanggo nyuda sumebaré pageblug iku, pamaréntah Malaysia ngecakaké Perintah Kawalan Pergerakan /Movement Control Order (MCO) kang diwiwiti 18 Maret 2020.[2]

Kadadéan[besut | besut sumber]

Malaysia nyatet kadadéan kapisan positif COVID-19 nalika dina Setu, 25 Januari 2020. Malaysia negara Asia Kidul-wétan kapisan kang nandang COVID-19. Kasus kapisan iki nandang marang 3 wong warga negara Cina kang saka Wuhan. Wong telu mau duwéni sujarah lunga saka Singapura banjur menyang Malaysia.[3][4] Warga Malaysia kapisan kang nandang COVID-19 ya iku wong lanang kang umuré 41 taun nalika 4 Oktober 2020, banjur pasièn iku dirawat ing Griya Sakit Sungai Buloh. Wong lanang iku mau duwéni sujarah lelungan saka Singapura nalika 16 nganti 23 Januari 2020 kanggo nekani konferensi.[5]

Akibat[besut | besut sumber]

Administrasi[besut | besut sumber]

Mentri Pertahanan Malaysia, Ismail Yakoob medharaké menawa ndhaftar anggoné lair lan ninggalé padunung diundur nganti 90 dina sawisé MCO rampung. Aturan iki uga dicakké kanggo warga Malaysia kang manggon ing jaban rangkah. Menawa ana padunung kang telat anggoné ngurus ora kena ukuman lan dendha. Ismail Yakoob uga medharaké menawa ana padunung kang kélangan MyKad bisa diurus ing Departemèn Registrasi Nasional ing laladané. [6]

Pariwisata[besut | besut sumber]

Pandhémi COVID-19 iki uga duwéni akibat kang gedhé ing pariwisata Malaysia. Miturut Maha Mentri Malaysia, Tan Seri Muhyiddin Yassin, pariwisata ing Malaysia kélangan RM 3,37 milyar ing 2 sasi wiwitan ing taun 2020. Kedadéan iki disebabké akèhé pakèt wisata kang diwurungaké lan nyebabaké wurungé pesenan hotèl lan tikèt montor mabur.Pamaréntah Malaysia ngétung menawa GDP Malaysia mudhun dakara 0,8 nganti 1,2%.[7] Negara kang akèh dhéwé nekani Malaysia kanggo papan plesir ya iku Cina. Diprakirakaké luwih saka 157.000 pesenan kamar hotèl diwurungaké, lan menawa diétung gedhéné rugi ya iku RM 66 yuta, akèh-akèhané pesenan iku saka Cina.[8]

Ékonomi[besut | besut sumber]

Miturut Gerald Ambrose, pimpinan Aberdeen Standard Investments Malaysia medharaké menawa ing kahanan pandhémi nyebabaké Ringgit Malaysia saya asor.[9] Sakliyané iku ing Malaysia uga ana kedadéan panic buying, kang nyebabaké barang-barang kaséhatan kaya ta handsanitizer lan masker rai saya cures. Mentri Dagang lan Kosumen Negara, Datuk Seri Saifuddin Nasution Ismail njupuk tindakan kang teges marang sapa wae kang adol rong barang iku kanthi rega kang dhuwur.[10]

Acara[besut | besut sumber]

Nalika anané pageblug iki, dibahas karo Huguan Siou Tan Sri Joseph Pairin Kitingan, Ketua Asosiasi Budaya Kadazandusun (KDCA) lan anggota KDCA ngetokaké putusan menawa KDCA ora nganakaké Festival Kaamatan tahun iki.[11] Sakliyané iku Mentri Agama Malaysia, Dr Zulkifli Mohamad al-Bakri medharaké nalika tanggal 11 Maret 2020 menawa sembahyang Jemuwah duwéni sawenèh paugeran kanggo ngedohi sumebaré pageblug, kaya ta: khutbah dicekak; jamaah wudhu ing omah; wong lara kang duwéni tetenger COVID-19 diprayogakaké ora mangkat Salat Jemuwah; lan pangurus mesjid nyedhiani handsanitazer lan masker.[12]

Statistik[besut | besut sumber]

  Gunggung kasus kang kacathet   Kasus kang aktif   Mari   Mati

  Kasus aktif saben dina


Rujukan[besut | besut sumber]

  1. a b c d "Situasi Semasa Pandemik COVID-19 Di Malaysia". Ministry of Health (Malaysia). 
  2. "Malaysia in partial lockdown to limit coronavirus spread". South China Morning Post (ing basa Inggris). 2020-03-16. Dijupuk 2020-06-12. 
  3. "Malaysia: First cases of 2019-nCoV confirmed January 25". web.archive.org. 2020-02-18. Dijupuk 2020-06-10. 
  4. "Malaysia confirms first cases of coronavirus infection - Reuters". web.archive.org. 2020-02-18. Dijupuk 2020-06-10. 
  5. "First case of Malaysian positive for coronavirus". BERNAMA. 2020-02-04. Dijupuk 2020-06-10. 
  6. "Registration of births, deaths permitted up to 90 days after MCO lifted, says Ismail Sabri, The Star". www.thestar.com.my. Dijupuk 2020-06-09. 
  7. Dzulkifly, Danial. "Muhyiddin: Tourism industry hit hardest by Covid-19, faces RM3.37b loss". www.malaymail.com (ing basa Inggris). Dijupuk 2020-06-09. 
  8. "Hotel room cancellations result in RM66m losses". www.dailyexpress.com.my. Dijupuk 2020-06-09. 
  9. Huang, Eustance (2020-02-26). "Malaysian ringgit set to weaken further as political chaos and coronavirus take hold, says Aberdeen". CNBC (ing basa Inggris). Dijupuk 2020-06-09. 
  10. "Face masks, hand sanitiser sold out in JB, KK". The Malaysian Reserve (ing basa Inggris). 2020-01-28. Dijupuk 2020-06-09. 
  11. "Kaamatan Festival 2020 cancelled due to Covid-19". www.dailyexpress.com.my. Dijupuk 2020-06-10. 
  12. Ram, Sadho (2020-03-12). "Religious Affairs Minister Dr Zulkifli Issues COVID-19 Guidelines Regarding Friday Prayers". SAYS (ing basa Inggris). Dijupuk 2020-06-10.