Muhammad Hinayah

Muhammad Hinayah (lair : Kabupatèn Musi Banyuasin, 17 Desember 1995) ya iku atlet panjat tebing saka Sumatera Kidul. Muhammad Hinayah olèh kasil kang moncèr banget, yaiku medali emas ing Asian Games 2018 Jakarta-Palembang. Sanadyan dhèwèké wedi karo panggon kang dhuwur, nanging sabenere malah kuwi sing marakake micu semangat ana ing olahraga sing bebayani iku. Final Asian Games 2018 dadi bukti yèn Hinayah tampil moncèr, wis kaya cecak "melata" anggone munggah tumuju ing garis pungkasan, Hinayah namung butuh wektu 6 detik. Catetan wektune luwih cepet saka kanca-kancane ing Pelatnas. Sumbangan wektu sing cepet kuwi kang ngirim Hinayah olèh kasil medali emas Asian Games 2018.

Kulawarga

Hinayah pancèn atlet sing ora lumrah. Wedi marang panggonan dhuwur wis dirasakaké Hinayah wiwit jajal olahraga panjat tebing. Rasa wedi kuwi tambah dadi sakwise Hinayah ngalami kacilakan nalika latihan, dhèwèké tiba saka kadhuwuran 10 meter. Kajawi ngalami cedera, Hinayah uga ngalami trauma, saéngga dhèwèké ora latian nganti sesasi suwéné. Nanging kulawarga lan kanca-kancane mènèhi dhukungan supaya Hinayah nérusaké karier atlet panjat tebing e. Amarga dhukungan kasebut, gawe Hinayah gelem maneh anggène latian. Hinayah ngowahi pikiran supaya ora wedi maneh lan bakalé tampil maksimal. Kajawi menika, ana liyané bab sing ngowahi pikirané Hinayah kanggo nyithak prèstasi ing olahraga panjat tebing, yaiku gawe bungah ati wong tuané. Saka ekonomi, Bapak (Herman) lan Ibune (Arnizah) rampung kurang. Carané ora, bapaké mung kerja dadi buruh bangunan sing asilè ora cukup kanggo nguripi bojo lan 5 anaké, lan uga Hinayah. Kahanan kuwi merga bapaké Hinayah tau ngalami bangkrut nalika dadi pengusaha. Ndeleng kahanan kulawargané sing rampung kurang kaya ngono, Hinayah mutusaké nerusaké karier minangka dadi atlet. Hinayah kepingin ngangkat ekonomi kulawargané saka prèstasi ana ing panjat tebing. Pranyata kaputusané bener, dhèwèké olèh kasil mbiyantu nyukupi kabutuhan kulawargané. Wiwit SMP, Hinayah wis mèlu pemusatan latihan daerah (pelatda), saka kuwi dhèwèké olèh bayar Rp. 1.500.000,00. saben sasi. Bayar kuwi disisihké kanggo mbiyantu wong tuané. Kabèh usaha lan prèstasi sing pikolèhi ora liya, mung kanggo wong tuané. Kaya ta nalika olèh kasil emas ing Asian Games 2018, Hinayah uga olèh maneka warna bonus awujud dhuwit lan uga apartemen. Hinayah ngrancang yèn separo dhuwit bonus mau kanggo menyang umroh lan haji wong tuané, dhèwèké uga kepingin mbangun omah lan mbukak usaha kanggo wong tuané, dadiné bèn ora mburuh bangunan maneh. Hinayah kalebet bocah sing bakti lan ngormati marang wong tuané.

Kauripan

Ora kaduga yèn Hinayah miwiti olahraga panjat tebing awit saka taun 2004, nalika umuré 9 taun. Nalika iku, Hinayah manggon ana ing Sekayu, Kabupaten Musi Banyuasin, Sumatera Kidul, ketarik nyawang para atlet panjat tebing ing ajang kanggo panjat tebing sing ana ing Sekayu. Ora kaduga yen atlet lan pelatihé ngajak dhèwèké latian bareng. Amarga wiwit cilik Hinayah seneng mènèk uwit, ajakan mau ditampa kanthi rasa seneng. Pelatihé (Ahmad Dimyati) uga ngramalaké yèn Hinayah duwèni bakat panjat tebing. Ahmad Dimyati kanthi sabar ngajari cara-cara panjat tebing, amarga Hinayah wedi marang panggon dhuwur, nganti Hinayah bisa metu saka rasa kaweden. Hinayah ora gampang mundur lan nduwèni tekad kang dhuwur saéngga dipercaya isa melu ing pelatda. Sawisé melu pelatda, dhèwèké banjur maju ing tingkat pelatnas ing Mei 2017, nanging durung dadi pemain utama. Hinayah terus latian nganti olèh panggilan saka pelatnas kanggo Asian Games 2018 lan lolos seleksi. Jenengé kalebu ana ing anggota tim Indonesia II. Dhèwèké ora mbuwang kesempatan ing lomba kasebut, Hinayah malah olèh kasil emas bareng kanca sak tim é. Ketua Federasi Panjat Tebing Indonesia (FPTI) Sumatera Kidul, Beni Hernedi mangsuli, munculé Hinayah dikarepaké isa dadi motivasi bocah liyané, supaya ana bibit unggul lan Hinayah-Hinayah liya sing isa mbanggaké Sumatera Kidul.

Prèstasi

Nalika taun 2017, Hinayah olèh medali perunggu ana ing Juwara Asia sing ditindakaké ing Iran. Ora mung kuwi, ing taun 2018 dhèwèké ya olèh peringkat nomer papat Juwara Dunia sing ditindakaké ing Moskwa, Ruslan. Lan prèstasi sing paling unggul yaiku ing taun 2018 Hinayah olèh medali emas Asian Games sing ditindakaké ing Palèmbang, Sumatera Kidul.

Pawiyatan

• SD Negeri 04 Sekayu
• SMP Negeri 1
• SMA PGRI Sekayu
• Politeknik Negri Sriwijaya